Ինչպես հայտնի է, այսօր ՀՀ Հանրային ծառայությունները կարգավորող հանձնաժողովը նախատեսում է որոշում կայացնել Հայաստանում էլեկտրաէներգիայի սակագինը 6,93 դրամով բարձրացնելու մասին: Արդյունքում իրավաբանական անձանց համար 1 կՎտ/ժ կարժենա 33.28-ից 48.78 դրամ (կախված ժամից և լարումից), իսկ բնակիչ-սպառողների համար՝ 38.78 դրամ գիշերը և 48,78 դրամ ցերեկը:
Այդ կապակցությամբ «Իրազեկ Քաղաքացիների Միավորումը», ի դեմս փորձագետ Կարեն Վարդանյանի, մեկտեղել և հանրության դատին է ներկայացնում հետխորհրդային 15 հանրապետություններում գործող էլեկտրաէներգիայի սակագների համեմատական աղյուսակը:
Ըստ այդմ, ստացվում է, որ Հայաստանում ամենաթանկ էլեկտրաէներգիան է ոչ միայն Եվրասիական տնտեսական միությունում, այլև ողջ ԱՊՀ-ում: Եվ այդ ամենը՝ բազմաթիվ հիդրոէլեկտրակայաններ, ատոմակայան ունենալու և անվճար հիմունքներով մատակարարվող իրանական գազով էլեկտրաէներգիա արտադրելու պայմաններում:
Այսպիսով, նախկին ԽՍՀՄ երկրներից էլեկտրաէներգիայի սակագինը հայաստանյանից բարձր է միայն Լիտվայում և Լատվիայում: Համադրելի է այն միայն Մոլդովայում: Իսկ ահա Ուզբեկստանում, Տաջիկստանում, Ղազախստանում, Ղրղզստանում, Թուրքմենստանում, Ուկրաինայում, Բելառուսում, Ռուսաստանում, Էստոնիայում, Վրաստանում և Ադրբեջանում էլեկտրաէներգիայի սակագինը հայաստանյան սակագնից ցածր է:
Կարդացեք նաև
Հետևությունները թողնում ենք ընթերցողին:
[1] 2015թ. հուլիսի 1-ից նախատեսվում է սակագները բարձրացնել 15 տոկոսով:
[1]Կարմիր գույնով նշված պետությունները հանդիսանում են Եվրասիական տնտեսական միության անդամ:
[1] Սակագները կգործեն 01.08.2015-ից.
[1] Թուրքմենստանում յուրաքանչյուր քաղաքացու հաշվով ամսական հատկացվում է 35 կՎտ/ժ անվճար էլեկտրաէներգիա:
[1] Կախված է սպառման ծավալներից:
[1] Ամսական ավելի քան 400 կՎտ/ժ սպառելու դեպքում
[1] Գործում են տարբեր սակագներ ըստ դաշնային օկրուգների: Բերված են ՌԴ միջին գները:
[1] Էստոնիայում շուկան ազատականացված է և սակագները չեն կարգավորվում:
[1] Լատվիայում շուկան ազատականացված է և սակագները չեն կարգավորվում: Գործում են տարբերակված սակագներ՝ ներառյալ ամսավճար: Ներկայացված են միջին տարբերակներ:
Բոլոր սակագները ներառում են հարկերը:
«Իրազեկ Քաղաքացիների Միավորում»
