Aravot.am-ն այսօր ՀՀԿ ԳՄ նիստից հետո ԱԺ փոխնախագահ, ՀՀԿ խոսնակ Էդուարդ Շարմազանովից հետաքրքրվեց՝ արդյոք վիրավորվա՞ծ չէ իշխող կուսակցությունը «Հայաստանի էլեկտրական ցանցերի» գլխավոր տնօրեն Եվգենի Բիբինի պահվածքից. նա չներկայացավ Ազգային Ժողովում էլեկտրաէներգիայի թանկացման մասին նիստին, չներկայացավ Հանրային ծառայությունները կարգավորող հանձնաժողովի նիստին, բայց սպառնալիքներով նամակ ուղարկեց հանձնաժողովի նախագահի Ռոբերտ Նազարյանին, արդյոք նման վարքագիծը պայմանավորվա՞ծ չէ Ռուսաստանի գործոնով:
«Ձեր նշած պաշտոնյայի հայտարարությունների եւ վարքագծի հետ կապված թե Ազգային ժողովի նախագահն իր կարծիքը հայտնել է, թե պարոն Նազարյանն է իր կարծիքն հայտարարել է, ես ավելացնելու ոչինչ չունեմ: Ինչ վերաբերում է 17 դրամով թանկանալուն, չի կարող 17 դրամով թանկանալ: Մենք դեմ ենք ցանկացած սուբյեկտիվ թանկացմանը»:
Դիտարկմանը, որ Բիբինը հայտարարել է, որ եթե 17 դրամով չթանկացվի, ապա չի կարողանա նորմալ, պատշաճ էլեկտրաէներգիայի մատակարարում ապահովել, Շարմազանովն արձագանքեց. «Ես հակված եմ ավելի շատ հավատալ Ռոբերտ Նազարյանին, եւ հանձնաժողովի ներկայացուցիչներին»:
Կարդացեք նաև
Նելլի ԲԱԲԱՅԱՆ
