Լրահոս
Օրվա լրահոսը

Մոսկվաբնակ դպրոցականն իր հասակակիցների երազանքներն է նկարում

Հունիս 22,2015 11:30

15-ամյա Քրիստինա Աբրահամյանը սովորում է Մոսկվայի թիվ 109 դպրոցում:
Հաճախել է նաեւ նկարչական դպրոց, նկարում է, գրում երգեր, բանաստեղծություններ:
Օրեր առաջ նա Երեւանում էր, եւ իր նոր ձայներիզը՝ «Tina A.-Muzic and Art», բաժանեց նաեւ նկարչական դպրոցների իր հասակակիցներին:

«Գրում եմ ռեփ, որովհետեւ փոքր ժամանակից լսել եմ միայն հիփ-հոփ»,-մեր զրույցի ժամանակ ասում է Քրիստինան:

Kristina_Abrahamyan_2 Kristina_Abrahamyan_1 Kristina_Abrahamyan_4
Իսկ թե ինչի մասին են իր երգերը, ասում է. «Իմ երգերը երազանքների, մարդկանց հաջողությունների եւ ճակատագրի մասին է»:

Ռեփ կատարող աղջնակը զրուցում է ինքն իր հետ, բայց իրականում բոլորի հետ, եւ խոստովանում. «Քայլ աջ, քայլ ձախ, նոր ալբոմը վաճառվում է: Ես ունեմ հարգանք, որոշ մարդիկ ասում են, որ իմ երգերը ճիշտ են: Իմ հաջորդ նոր հիթն այն է, որ մարդիկ ակնկալում են հույս: Լավագույնն այն է, որ ես կասկածում եմ»:

Կասկածում է, ասել է, թե որոնում է, շարունակելով ապրել գեղեցկության ճանապարհը տանող լույսի հավատով:

Քրիստինան նկարում է յուղաներկով, մատիտով, նախընտրում է ջրաներկով նույնպես նկարել:

Նրա դիմանկարներում աշխարհին ջինջ հայացքով նայող մարդիկ են, ահա թե ինչու շատ են հատկապես նրա դիմանկարները:

Դիմանկարները, ըստ նրա, մարդկանց ճակատագրերի հայելիներ են, որով բացվում է աշխարհը յուրաքանչյուր որոնողի առաջ:

Դիմանկարներում իր երազկոտ հասակակիցներն են, աշխարհը ներսից ու դրսից ճանաչել փորձող անհատները:
«Առավոտ» օրաթերթ
20.06.2015

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2015
Երկ Երե Չոր Հնգ Ուրբ Շաբ Կիր
« Մայիս   Հուլ »
1234567
891011121314
15161718192021
22232425262728
2930