Լրահոս
Օրվա լրահոսը

Սասուն Միքայելյան. «Վախճանը կամ շատ դաժան կլինի իշխանությունների համար, կամ հանգիստ». (Տեսանյութ)

Հունիս 24,2015 23:30

Այսօր Բաղրամյան պողոտայում, որտեղ արդեն 3-րդ օրն է էլեկտրաէներգիայի թանկացման դեմ բողոքի ակցիա է տեղի ունենում, ակցիայի մասնակիցներին են այցելում պատգամավորներ, քաղաքական գործիչներ:

Այսօր էլ էր ԱԺ պատգամավոր Թեւան Պողոսյանը այցելել Բաղրամյան պողոտա: Նա մեզ հետ զրույցում անդրադառնալով էլեկտրաէներգիայի թանկացմանն ասաց, որ հանրության պահանջը ճիշտ է, եւ ունենք 1 ամիս ժամանակ, որպեսզի կրկին ուսումնասիրվեն բոլոր այն փաստաթղթերն ու խնդիրները, որոնք բերել են համակարգն այս խղճուկ վիճակին:

Այսօր կրկին Բաղրամյան պողոտայում էր «Քաղաքացիական պայմանագիր» նախաձեռնության անդամ, «Սասուն» ջոկատի հրամանատար Սասուն Միքայելյանը, որը լրագրողների հետ զրույցում ասաց, որ այս բողոքի ակցիան հետեւանք է այն բանի, որ իշխանությունները կտրվել են ժողովրդից: Նա նշեց, որ այս պայքարն իր արդյունքը տալու է, իշխանություններն այսպես երկար շարունակել չեն կարող. «Երկար չի ձգվի, կարող է մի քիչ ձգեն, բայց այս կարգավիճակով, իրենց գործելաոճով իրենք ոչ միայն համակարգային, այլ ընդհանրապես փոփոխություն չեն անի: Եվ այս տարիների ընթացքում իրենց դաս չի եղել այն, որ ժողովուրդն ըմբոստանում է ինչ-որ հարցի շուրջ, դասեր չեն քաղել, որպեսզի կարողանան ինչ-որ հարցի լուծում տան: Միշտ իրենք ուժ են կիրառել, բայց դա երկար չի տեւում, բոլոր նման պետություններում իրենց դաժան վախճանն են ունեցել: Դա կլինի նաեւ Հայաստանի Հանրապետությունում»:

Սասուն Միքայելյանը նաև անդրադառնալով ոստիկանության այն հայտարարություններին, թե Բաղրամյան պողոտայում ակցիա անելն անօրինական է, ասաց, որ անօրինականն իշխանություններն են, այստեղ անօրինական ոչինչ չկա: «Այս տարիների ընթացքում իրենք մի հատ օրինական բան չեն արել, դրա համար իրենց համար ամեն ինչ անօրինական է: Բայց ամեն ինչին վախճան կա, չի կարող բռնությունը երկար գոյատեւի հատկապես այն ազգի վրա, որը պատերազմ է հաղթել: Էդ վախճանը կամ շատ դաժան ձեւով կլինի իշխանությունների համար, կամ հանգիստ ձեւով»:

Ազատամարտիկի խոսքերով՝ .«Չեմ ասում հեղափոխություն, իշխանություններն իրենց գործունեությամբ ուզում են հեռանան, մենք պետք է նպաստենք»:

Նելլի ԲԱԲԱՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2015
Երկ Երե Չոր Հնգ Ուրբ Շաբ Կիր
« Մայիս   Հուլ »
1234567
891011121314
15161718192021
22232425262728
2930