Քաղաքագետ Անդրիաս Ղուկասյանը Aravot.am-ի եւ Lragir.am-ի հետ զրույցում ասաց, որ Բաղրամյան պողոտայում մոտավոր հաշվարկներով 10.000 մարդ կլինի: Ղուկասյանի ներկայացմամբ՝ նման դեպքերում, բնականաբար, ոստիկանությունը կաշկանդված է եւ չի կարող ֆիզիկական ուժ կիրառել, որովհետեւ մեծ քանակի տուժողներ կլինեն:
Ղուկասյանի խոսքերով՝ «նման իրավիճակում միակ լուծումը արտահերթ եղանակով հայտարարել, որ չեղյալ է համարվում Ռոբերտ Նազարյանի ղեկավարած հանձնաժողովի որոշումը՝ էլեկտրաէներգիայի սակագնի բարձրացման որոշումը: Այս պայմաններում Բաղրամյան պողոտան ազատելու եւ երկուշաբթի օրը քաղաքի բնական երթեւեկությունն ապահովելու ուրիշ ճանապարհ չկա»:
Նելլի ԲԱԲԱՅԱՆ
