«Հայաստան, արի Բաղրամյան». Բաղրամյան պողոտայում նոր կարգախոս է հնչում: Քիչ առաջ նախաձեռնող խումբը հանդես եկավ հայտարարությամբ, թե իրենց պահանջները և մարտավարությունը մնում են նույնը. չեղարկել հոսանքի սակագնի բարձրացման որոշումը, պատժել խաղաղ հանրահավաք անցկացնողների և լրագրողների նկատմամբ բռնություն կիրառած ոստիկաններին և դադարեցնել քրեական հետապնդումը խաղաղ հավաքի մասնակիցների նկատմամբ:
Այնուհետև հայտարարվեց, թե քաղաքացիներին հորդորում են գրել իրենց առաջարկները և հանձնել իրենց:
Ընդհանրապես նախաձեռնող խումբը բավականին ագրեսիվ է տրամադրված լրագրողների նկատմամբ, թույլ չէին տալիս նկարահանել: Այստեղ է նաև Անի Զախարյանը, սակայն ցուցարարներից որոշները խուսափում են Անի Զախարյանից՝ իրար ասելով, թե հանրությունը նրան վատ է վերաբերվում:
Նշենք նաև, որ այս ընթացքում Ազատության հրապարակում «Ոչ թալանին» նախաձեռնող խումբը խմբային քննարկումներ է իրականացնում այն մասին, արդյոք հանրության մասնակցությունը անհրաժեշտ և արդյունավետ կլինի:
Կարդացեք նաև
Տաթև ՀԱՐՈՒԹՅՈՒՆՅԱՆ
