«Իրազեկ եւ պաշտպանված սպառող» հ/կ նախագահ Բաբկեն Պիպոյանն այսօր երեկոյան Ազատության հրապարակում էր: Նա «Ո՛չ թալանին» նախաձեռնության մասնակիցների քայլերի մասին խոսելիս ասաց. «Մենք լիարժեք օրակարգ չունենք այսօր, իշխանությունն արել էր կես քայլ, մենք պետք է կես քայլի համարժեք, լիարժեք սցենարային լուծում ունենայինք, որ այսօր չունենք. օբյեկտիվ պետք է գնահատել իրականությունը»:
Aravot.am-ի այն հարցին, թե որն է ձեր խորհուրդը՝ պարոն Պիպոյանը պատասխանեց, որ հունիսի 3-ին, երբ որ թանկացման որոշում չկար, ես ասացի, որ գործողությունների հաջորդականություն ասեն, անպայման ապաքաղաքական պետք է լինի շարժումը եւ անպայման խնդրել բոլոր քաղաքական ուժերին միանալ:«Բոլոր նրանք, որոնք դեմ են էլեկտրաէներգիայի թանկացմանը՝ թող միանան»,-ասաց Բաբկեն Պիպոյանը: Նա ավելացրեց, որ փորձագիտական վերլուծություն չկա, բայց ըստ նրա, եթե վերցնենք ՀՀ նախագահի հայտարարությունը եւ դրանից հետո կառավարության տված բացատրությունը, ապա իրար հետ ոչ մի կապ չունեն:
«Պետք է հարգել յուրաքանչյուր կողմի դիրքորոշում եւ պետք է պահանջը ճիշտ ներկայացնել, եւ երբ որ ասում ենք՝ կառավարությունն է սուբսիդավորելու էս 7 դրամը, դա նշանակում է, որ կառավարությունը 2 անգամ ավելի է տալու ՀԷՑ-ին, քան ամբողջ կրթական համակարգն է ֆինանսավորելու: Ես համաձայն չեմ, որ էլեկտրական ցանցերին շատ ավելի շատ փող տան, քան ես երկրի գիտությանը եւ կրթությանը»,-նշեց Պիպոյանը:
Կարդացեք նաև
Անուշ ՄԱԹԵՎՈՍՅԱՆ
