Ազգային օպերային թատրոնը 7 տարի է «ապրում» է առանց գեղարվեստական ղեկավարի: 7-ամյա փնտրտուքն ու դեգերումները կրկին բերեցին ճանաչված տենոր եւ ռեժիսոր, Օպերային թատրոնի նախկին գեղարվեստական ղեկավար (1999-2008թթ.) Գեղամ Գրիգորյանի մոտ:
Երեկ օպերային թատրոնի տնօրեն Անդրանիկ Արզումանյանը ներկայացրեց նոր գեղարվեստական ղեկավարին՝ Գեղամ Գրիգորյանին: Կոլեկտիվը գեղարվեստական ղեկավարին ընդունեց ծափողջույններով: Հավելենք, որ Գեղամ Գրիգորյանն այս թատրոնում է 1976 թվականից՝ սկզբում որպես մեներգիչ, ապա վոկալի դասուսույց, վոկալի գծով խորհրդական ու վերջապես 9 տարի շարունակ՝ գեղարվեստական ղեկավար: Ընդ որում Գեղամ Գրիգորյանի պաշտոնավարման ժամանակ Ազգային օպերային թատրոնում եղել է 21 բալետային եւ օպերային ներկայացում, այդ թվում գրիգորյանական:
Պատասխանելով «Առավոտի» հարցին՝ պարոն Գրիգորյանն ասաց, որ վերականգնելու է ստաժորի ինստիտուտը, սերտացնելու է կապը Կոնսերվատորիայի օպերային ստուդիայի հետ: Նա նաեւ փաստեց, որ իր 7-ամյա բացակայության ժամանակ Ազգային օպերային թատրոնը այդպես էլ աստղ «չծնեց»:
ՍԱՄՎԵԼ ԴԱՆԻԵԼՅԱՆ
Կարդացեք նաև
«Առավոտ» օրաթերթ
30.06.2015
Գեղամ Գրիգորյանին օպերային թատրոնի տնօրեն նշանակելը նույնն է, թե նավապետ նշանակել մեկին միայն նրա համար, որ նա լավ է լողում (Տիգրան Լևոնյան)