Լրահոս
Օրվա լրահոսը

«Մենք ե՛ւ սադրիչներ ենք, ե՛ւ դավաճաններ…». Վահագն Մինասյանը՝ հոսանքի թանկացման դեմ պայքարի մասին

Հունիս 30,2015 16:45

Քաղաքացիական ակտիվիստ Վահագն Մինասյանը չի կիսում «Ոչ թալանին» նախաձեռնության անդամների տեսակետը, թե Բաղրամյան պողոտայում «նստած վիճակով» պայքարը լճացել էր:

«Բացարձակ լճացման երեւույթ կամ դրսեւորում առկա չէ գոնե Բաղրամյանում:
Հաջորդ գործողությունները կորոշեն մտահոգ քաղաքացիները, որոնք պատասխանատվություն են վերցրել պայքարել հակասոցիալական ու ապօրինի որոշման դեմ: Ինչքան կտեւի պայքարը, միայն նստացո՞ւյց կլինի, թե՞ փողոցային պայքար, պայքարի բոլոր գործիքները եւս կընտրեն քաղաքացիները»,- Aravot.am-ին ասաց ակտիվիստը:

Նրա խոսքով, պայքարը երկու ճակատի չի բաժանվել, շարժումը չի պառակտվել. «Շարժումը ի սկզբանե եղել է միասնական: Ազատության հրապարակ գնալը

քաղաքացիների կողմից ընտրված ռազմավարական քայլ էր կամ քայլերի հետեւանք: Եթե անդրադառնանք ինքնաբուխ հանրահավաքներին, տրամաբանական է, որ հավաքի ընթացքում կարող են լինել քաղաքացիներ, որոնք առանձին-առանձին դիմում են այլ գործիքների՝ իրենց պահանջներին հասնելու համար:

Շարժումը ռազմավարական այս քայլի հետեւանքով չի թուլացել, շարժման անդամները պայքարելու են մինչեւ վերջ:

Մնացած բոլոր տեղեկությունները, թե սրանք դավաճաններ են, սադրիչներ են, այո,՛ մենք ե՛ւ սադրիչներ ենք, ե՛ւ դավաճաններ, եթե կուզեք, բայց մենք միասնական ենք»:

 

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2015
Երկ Երե Չոր Հնգ Ուրբ Շաբ Կիր
« Մայիս   Հուլ »
1234567
891011121314
15161718192021
22232425262728
2930