Լրահոս
Օրվա լրահոսը

iLur.am-ի լրագրողը մասնագիտական գործունեությունը խոչընդոտելու վերաբերյալ հաղորդում է ներկայացրել Ոստիկանություն

Հուլիս 02,2015 22:15

«Հունիսի 26-ին գնացի Երեւանի Ոստիկանության Կենտրոնի բաժին եւ հաղորդում ներկայացրեցի հանցագործության մասին»,- այս մասին Aravot.am-ի հետ զրույցում ասաց iLur.am-ի լրագրող Հակոբ Կարապետյանը:

Նա, մասնավորապես հունիսի 23-ին Բաղրամյան պողոտայում էլեկտրաէներգիայի սակագնի բարձրացման դեմ բողոքի ցույցի մասնակիցներին ցրելու ընթացքում եղել է այնտեղ եւ իր մասնագիտական գործունեությունը ոստիկանները խոչընդոտել են: Հակոբ Կարապետյանը հենց այս մասին է հաղորդում ներկայացրել:

Ըստ լրագրողի՝ դրանից հետո, որեւէ այլ զարգացում չի եղել: «Դիմում ընդունող ոստիկանն ասաց, որ ծառայողական քննություն է ընթանում: Այսինքն` այդ օրվա բոլոր գործերը գնում են մի կենտրոն, եւ այդտեղ հարցերը լուծվում են»:

Մեր դիտարկմանը, թե փաստորեն իր հաղորդումը առանձին չի քննվելու, Հակոբ Կարապետյանն ասաց, որ շեշտել է, թե ինքը հաղորդում է ներկայացնում հանցագործության մասին, «որովհետեւ այնտեղ իրենց կազմած գործում փոխհատուցման մասին էր խոսվում: Սա կոնկրետ հաղորդում է լրագրողի մասնագիտական գործունեությունը խոչընդոտելու մասին»:

Աշոտ ԻՍՐԱԵԼՅԱՆ

Լուսանկարը՝ Հակոբ Կարապետյանի Ֆեսյբուքի էջից

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031