Լրահոս
Օրվա լրահոսը

Վարդան Պետրոսյանը կառավարությանն ուղարկում է բանակ

Հուլիս 02,2015 22:20

Ճարտարագիտական համալսարանի դասախոս Վարդան Պետրոսյանը այս օրերին Բաղրամյան պողոտայում նստացույց անող երիտասարդներին է միացել: Ցուցարարների հետ զրույցում նա փորձում է հասկանալ հոսանքի թանկացման մասին Սերժ Սարգսյանի հայտարարության իմաստը:

«Սերժ Սարգսյանի հայտարարությունը ոչ ադեկվատ հայտարարություն էր: Մենք ինչի մասին ենք խոսում, ինքն ինչի մասին: Ի՞նչ է էս ամբողջ ազգին  հետաքրքրում էր, թե ինքը որ կազմակերպություններում է ուզում աուդիտ անել կամ իրիկունը որ կինոն է ուզում գնա՞լ: Ուզում է, թող գնա, ով է իրեն խանգարում»,- ցուցարարների հետ քննարկման ժամանակ դժգոհում էր դասախոսը:

Վարդան Պետրոսյանը յուրովի է մեկնաբանում նախագահի հայտարարությունը. «Երևի Սերժ Սարգսյանը նկատի ունի՝ բյուջեն ոչ թե մեր գումարներից է գոյանում, այլ ասենք Հոնդուրասի ժողովուրդն է օգնություն ուղարկում, այդտեղի՞ց պետք է վճարվի: Իմ փողերից է վճարում, իմ աջ գրպանից կվճարի, թե ձախ, ի՞նչ տարբերություն, գրպանը հո իմն է: Թող իրենք օլիգարխներով հավաքվեն, թալանածից մի քիչ վճարեն, այդ ժամանակ խնդիրը կլուծվի»:

Վարդան Պետրոսյանը դասախոսի աչքով է դիտարկում նաեւ վարչապետի անդրադարձը հոսանքի թանկացման վերաբերյալ. «Կառավարությունն այսօր ասում է՝ մենք ուսումնասիրեցինք այդ խնդիրը, պարզեցինք՝ լուծում չունի: Ի՞նչ է նշանակում լուծում չունի, նշանակում է քննությունից կտրվեցիք, բուհում, երբ երիտասարդ տղան քննությունից կտրվում է, ասում ենք՝ գնա բանակ: ՀԻմա կառավարությանն եմ ասում՝ չեք կարող, ուրեմն կտրվեցիք, հեռացեք, ձեր տեղը բանակում է, գնացեք բանակ»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031