Քիչ առաջ Քիչ առաջ ԱԻՄ առաջնորդ Պարույր Հայրիկյանը Եվրամիության եւ Եռագույն դրոշներով միացավ ցուցարարներին, որոնք Հայրիկյանին անվանեցին սադրիչ, իսկ ԵՄ դրոշները տրորեցին :
Բաղրամյան պողոտայում շարունակվող ցույցերի նոր նախաձեռնող խմբի անդամ Դավիթ Սանասարյանը միջադեպը որակեց անցանկալի եւ արժեքներից զուրկ: Նրա ձեւակերպմամբ. «Այստեղ ազատության պայքար է, միայն յոթ դրամի պայքար չէ, այստեղ հավաքվածները պատրաստակամություն են հայտնել տիրոջ իրավունքն իրականացնել, կարգ ու կանոնի ճանապարհն են բռնել»:
Կարդացեք նաև
Դավիթ Սանասարյանը կարծում է, որ այդ միջադեպով զգացվեց, որ ռուսական ԶԼՄ-ների ճնշումն աշխատեց Բաղրամյան պողոտայում:
«Պարոն Հայրիկյանին, իր կողմնակիցներին զգուշացրինք, որ սադրանք է տեղի ունենալու, նրանք չլսեցին մեզ: Եվ սա այն դեպքում, երբ այստեղ կար կոնսենսուս, որ միայն Հայոց Եռագույն է վեր խոյանալու, զգուշացնելուց հետո այդ գործողությունը սադրանքն էր: Այն մարդիկ, որ կուրծք ծեծելով եվրոպական դրոշը պատռեցին, կապ չունեն շարժման հետ, այդ քաղաքացիները ռասիստական վերաբերմունք են ցուցաբերել, մենք դեմ ենք որեւէ երկրի դրոշը տրորելուն»,- հայտարարեց սանասարյանը:
Նաեւ ասաց, որ իր տեղեկություններով, իշխանությունների կողմից Բաղրամյան պողոտա է բերվել է երիտասարդություն, որը պայքարի որեւէ նշույլ չի ավելացնում ու չգիտի, թե ինչով է զբաղված: Նրա ձեւակերպմամբ, Հայաստանի Հանրապետության պայքարը վերածվում է կլոունադայի:
Նախաձեռնող խմբի մեկ այլ անդամ՝ Վահագն Մինասյանի ասելով, «Հարթակում չկան կազմակերպիչներ, կա համակարգող խումբ, որը ինչ-որ աշխատանքներ է համակարգում, կազմակերպիչը մի փոքր այլ եզրույթ է: Ովքեր գիտակցում են, թե որն է իրենց անելիքը այս հարթակում, կազմակերպիչ են: Սա մեր ապրելու իրավունքը պաշտպանելու պայքար է, բարեկեցիկ կյանքի պաշտպանության նվաճման օրենք է, որը մեզ վերապահված է Սահմանադրությամբ»:
Ցույցի մեկ այլ մասնակից՝ Դավիթ Հովհաննիսյանն էլ կոչ արեց չլինել իներտ. «Մտավորականություն, միջին տարիքի եւ մեծ մարդիկ, կանգնեք երիտասարդների կողքին»:
Երիտասարդները ասացին, որ առաջիկայում հայտարարություն կլինի, իսկ ավելի ճիշտ՝ որոշ կետեր ու պահանջները ավելի կկոշտանան:
ԵՄ դրոշները տրորելով այս մարդիկ հիանալի երիտասարդներից վերածվեցին կապիկների: Եթե մեր հույսը սրանք են, ապա մենք կորած ենք: