Անդրադառնալով վերջին օրերին Երեւանում էլեկտրաէներգիայի սակագնի բարձրացման դեմ բողոքի ցույցերին ամերիկյան հեղինակավոր «The Washington Post» թերթը նշում է, որ ցուցարարների մեջ հիմնականում երիտասարդներ են, որոնք չունեն ղեկավարներ եւ չեն կազմել քաղաքական օրակարգ, իսկ Արեւմուտքի երկրների կառավարությունները իրենց հեռու են պահում այս գործընթացներից: ՀՀ-ում ԱՄՆ դեսպանատունը սահմանափակվեց միայն Twitter-ի կարճ գրառումով:
Իսկ Վլադիմիր Պուտինի քարոզչական ապարատը, այնուամենայնիվ, արագորեն եզրակացություններ է արել: Ռուսական մամուլն ասում է, որ ԱՄՆ դեսպանատունն է հնարել բողոքի ցույցերը, որպեսզի կրկնի անցած տարի Ուկրաինայում տեղի ունեցածը:
Հիշեցնելով, երեկ ՌԴ ԱԳ նախարար Սերգեյ Լավրովի խոսքերը՝ թերթը կարծիք է հայտնում, որ սա Կրեմլի սիրած դավադրության տեսությունն է. Կիեւի հայտնի դեպքերը եւ այլ եվրասիական մայրաքաղաքներում տեղի ունեցածները ոչ թե ինքնաբուխ են եղել, այլ մանրակրկիտ պլանավորված ԱՄՆ կենտրոնական հետախուզական վարչության կողմից:
Պարուրված ցինիզմով եւ պարանոյայով, պարոն Պուտինը եւ նրա շրջանակը Ռուսաստանում եւ նրա հարեւան երկրներում անհանգստության ցանկացած դրսեւորում, ինչպես երեւում է համարում են գաղտնի ուժերի ձեռքի գործը:
Կարդացեք նաև
«The Washington Post»-ը նաեւ Սերժ Սարգսյանին անվանել է Մոսկվայի կլիենտ։
Պատրաստեց Աշոտ ԻՍՐԱԵԼՅԱՆԸ
