«Հրապարակը» հարցեր ուղղեց Պարույր Հայրիկյանին՝ պարզելու, թե ինչու միայն Հայաստանի դրոշներով չէին, եւ ինչ իմաստ ուներ ԵՄ դրոշները Բաղրամյան պողոտա տանելը։
– Պարոն Հայրիկյան, մարդիկ Ձեզ համարում են անկախության սիմվոլ։ Ինչո՞ւ եկաք օտար դրոշներով։ Լավ չէ՞ր լինի, որ միայն հայկական դրոշներ բերեիք։
– Նրանք սխալվում են։ Ես եղել եմ անկախության պայքարի առաջնորդ։ Սա այլ բան է, սիմվոլը՝ այլ բան։ Ես մեռած չեմ, եւ դա անցյալ է արդեն։
– Իսկ ինչո՞ւ Հայաստանի դրոշով չմտաք Բաղրամյան պողոտա։ Արդեն որերորդ անգամ է՝ Եվրամիության դրոշն եք բերում։
Կարդացեք նաև
– Անձամբ իմ ձեռքում եղել է Հայաստանի մեծ եռագույնը, իսկ ընկերներիս ձեռքին եղել է նաեւ եվրոպական դրոշը։ Եվրոպական դրոշը՝ այ, դա արդեն սիմվոլ է եւ խորհրդանշում է քաղաքակրթության, մարդկության մեծագույն ձեռքբերումների, միջպետական հարաբերությունների նոր մակարդակի, հանուն մարդու իրավունքների եւ պետությունների միավորման։ Այն չի հակասում ՀՀ բնակիչների տրամադրությանը, որովհետեւ քաղաքական ասոցացման մասին Հայաստանը որոշում ընդունեց, եւ ՀՀ-ում ոչ մի քաղաքացի չընդվզեց դրա դեմ։ Այնպես որ, առողջ բանականությամբ առաջնորդվող, արժեհամակարգ ներկայացնող, դրա կարեւորությունը մեր օրերի համար հասկացող մարդկանց կազմակերպությունը նաեւ ԵՄ դրոշով ներկայացավ։
Սյուզան ՍԻՄՈՆՅԱՆ
Հրապարակումն ամբողջությամբ՝ «Հրապարակ» թերթի այսօրվա համարում:
