Լրահոս
Օրվա լրահոսը

Էդուարդ Զորիկյան. «Ես չեմ մտաբերում մի դեպք, որ մեր նախագահը մեր ռազմավարական գործընկերոջը նման կերպ պատասխաներ» (տեսանյութ)

Հուլիս 05,2015 20:26

«Ինձ ուղղակի զանգեցին, առաջարկեցին համերգ անել, ես համաձայնեցի: Ես սիրով եմ համաձայնել, իհարկե այստեղ եմ որպես աջակցություն»,- այս մասին «Առաջին լրատվականի» ուղիղ եթերում ասաց երգահան Էդուարդ Զորիկյանը, անդրադառնալով այսօր Բաղրամյան պողոտայում սպասվող իր համերգին:

Նա նշեց, որ հիմնականում ուղիղ եթերների միջոցով է հետեւել բողոքի ցույցերին եւ, սովորաբար, ամեն երեկո 2 ժամով գնում է Բաղրամյան պողոտա, որպեսզի ծանոթանա իրավիճակին. «Ամեն ինչ պետք է անենք, որ հաղթենք, լավ ավարտվի»:

Անդրադառնալով Սերժ Սարգսյանի այն հայտարարությանը, թե մինչեւ աուդիտի ավարտը 7 դրամի բեռը կհոգա կառավարությունը, երգահանն ասաց. «Եթե հաշվի առնենք, որ բյուջեն նույն ժողովրդի գրպանն է, դա մի գրպան է, այդտեղ գրպանից գրպան դնել չկա, տարբերություն չեմ տեսնում, ասենք, հավաքեն ժողովրդից, թե բյուջեից տրամադրեն մինչեւ ինչ-որ բան կպարզվի»:

Իսկ աուդիտի անցկացման վերաբերյալ Էդուարդ Զորիկյանը կարծիք հայտնեց, թե այն, որ Սերժ Սարգսյանը կարողացավ ասել՝ չենք վստահում, հզորագույն քայլ է. «Նա նրանց հետ խոսեց իրենց լեզվով. доверяй, но проверяй: Ես չեմ կարողանում մտաբերել մի դեպք, որ նախկինում մեր նախագահը, մեր ռազմավարական գործընկերոջը նման կերպ պատասխաներ: Սա իրոք գնահատում եմ»:

Աշոտ ԻՍՐԱԵԼՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031