Բաղրամյանի պողոտայի էլեկտրաէներգիայի թանկացման դեմ բողոքի ակցիայի մասնակիցները, որոնք այս պահին հավաքված են Ազատության պողոտայում, թույլ չտվեցին Երեւանի փոխոստիկանապետ Վալերի Օսիպյանին հայտարարություն անել: Երբ Օսիպյանը բարձրախոսով փորձում էր ինչ-ոչ բան ասել, հրապարակում հավաքված քաղաքացիները՝ մեծից՝ փոքր մեջքով շրջվեցին դեպի փոխոստիկանապետը, սկսեցին միասին ծափահարել եւ սուլել, ինչի արդյունքում Օսիպյանն այդպես էլ չկարողացավ իր ուզածն ասել:
Լրագրողների հետ զրույցում փոխոստիկանապետն ասաց, որ եթե երիտասարդները փորձեն երթ իրականացնել, ոստիկանությունը թույլ չի տալու, խոչընդոտելու է, քանի որ այդ երթն արտոնված չէ, թույլատրված չէ: Օսիպյանն ասաց, եթե քաղաքացիներն ուզում են երթ անել, պետք է դիմեն համապատասխան մարմին եւ թույլտվություն ստանան:
Կարդացեք նաև
Օսիպյանը նաեւ ասաց, որ այս անգամ ոստիկանությունն որեւէ ուժ չկիրառեց Բաղրամյանի պողոտայում գործողությունների ժամանակ, ակցիայի որեւէ մասնակից չտուժեց:
Այս առնչությամբ Aravot.am-ը հետաքրքրվեց՝ այդ դեպքում ինչո՞ւ բերման որոշ ենթարկվածների մարմնի տարբեր հատվածներում կապտուկներ եւ սալջարդեր կան, ի՞նչ է, իրենք իրե՞նց են կապտուկներն առաջացրել, Օսիպյանն ասաց, որ դրանք պարզապես առաջացել են այդ մարդկանց մեքենաներ նստեցնելու ժամանակ, Օսիպյանն այդ կապտուկներն ու սալջարդերը վնասվածքներ չհամարեց:
Լուսինե ԲՈՒԴԱՂՅԱՆ
Օսիպյանն էլ է հասունացել Աշոտյանի գնահատականիին արժանանալու համար։