«Դուք ասում եք բաներ, որոնք ես չեմ կարող ասել` ակնհայտ է: Ես հարգում եմ անմեղության կանխավարկածը, վստահում եմ միջազգային աուդիտորական կազմակերպություններին ու աուդիտի արդյունքներին, վստահում եմ լրատվամիջոցներին, որոնք հանրությանը կներկայացնեն այն, ինչ տեղի է ունեցել, վերլուծություններ կանեն: Նաեւ վստահ եմ մեր իշխանությունների քաղաքական կամքի վրա, որ այն, ինչը պետք է բացահայտվի եւ իրավական եւ քաղաքական գնահատականի կարժանանա»,- Aravot.am-ի հարցին`կպատժվե՞ն բոլոր այն բարձրաստիճան պետական չինովնիկները, ովքեր ակնհայտ է, որ մասնակցություն են ունեցել ՀԷՑ-երում կոռուպցիոն գործընթացներին, ասաց ՀՀԿ խմբակցության պատգամավոր Մկրտիչ Մինասյանը:
Պարոն Մինասյանը, վերլուծելով էլեկտրաէներգիայի սակագնի թանկացման առիթով առաջացած բողոքի ալիքը եւ դրա արդյունքը, չի համարում, որ որեւէ մեկը պարտվել է կամ հաղթել: «Իշխանությունն ընդառաջ է գնացել իր հասարակության պահանջին»,- ասաց նա:
Շարժումը, որը վերջին օրերին մի տեսակ տարերային եւ անկազմակերպ բնույթ է կրում, ՀՀԿ-ական պատգամավորը ձեռնպահ է մնում մարած որակելուց: Բայց հարցի լուծման միակ ճիշտ ճանապարհը նա համարում է միջազգային աուդիտը ՀԷՑ-երում ու վստահ է, որ աուդիտի արդյունքները կտան հանրության մոտ առաջացած հարցերի պատասխանները, կցրեն կասկածները:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
