Բաղրամյան պողոտայում հացադուլ իրականացնող Դավիթ Սանասարյանի կարծիքով ճիշտ չէ, որ քաղաքացիներն իրենց տանը նստած՝ ուզում են, որ երիտասարդները պայքարեն ու իրենց խնդիրները լուծեն:
«Սերժ Սարգսյանը բազմիցս ասել է՝ ժողովրդին կտեսնեմ, խնդրին կանդրադառնամ, դրա համար պետք է ժողովուրդն այստեղ հավաքվի… Իմ հացադուլով պահանջ չեմ ներկայացրել իշխանությանը, որովհետեւ իմ պահանջը չպետք է լինի, այլ ժողովրդի: Իմ բողոքն է ժողովրդին ու կոչը, որ գան այստեղ՝ միասին պայքարենք: Հակառակ դեպքում տարբերակ ունեմ՝ Հայաստանից դուրս գնալն է: Երբ գնաց այս գործընթացը, սոցիալական շատ ծանր վիճակ է ստեղծվելու, մարդիկ փորձելու են փախեփախ լինել Հայաստանից դուրս»,- ասաց Դավիթ Սանասարյանը:
Իրեն հացադուլի համար քննադատողներին էլ առաջարկեց գալ Ազատության հրապարակ, ներկայացնել իրենց առաջարկները:
Մանրամասները՝ տեսանյութում
Կարդացեք նաև
Արփինե ՍԻՄՈՆՅԱՆ
