Վարդգես Գասպարին գիշերը մի քանի ժամ ոստիկանությունում է անցկացրել, գուշակում է՝ գուցե տուն վերադառնալիս Ազատության հրապարակի ոստիկանական պատը ճեղքելու համար:
«Պահանջեցի, որ ճամփեն բացեն, որ թողեն՝ գնամ: Իրենք մի քիչ դիմադրեցին, ես իրանց ապօրինությունը իրանց մատնացույց արեցի և այլն: Այնուամենայնիվ ճամփեն բացեցին: Երևի Թումանյանով մի 50-60 մետր առաջացել էի, էնտեղ եկան ոստիկաններ ու առանց որևէ բան ասելու ինձ բռնեցին, դրեցին մի հատ ոստիկանական մեքենա», – պատմեց ակտիվիստը:
Առանց բացատրություններ կամ պահանջներ ներկայացնելու՝ Գասպարիին քարշ տալով տեղափոխել են ոստիկանություն:
«Պառկած մնացել եմ մի քանի ժամ, հետո արդեն նորից նույն կերպ՝ ձեռքեր-ոտքերս բռնեցին, ոստիկանության բաժնից հանեցին, էդ ստադիոնի, այսպես ասած՝ քրջի բազարի աղբանոցում, տարան ընդեղ դրեցին՝ էդ աղբանոցում ու հեռացան», – «Ազատության» հետ զրույցում ասաց Վարդգես Գասպարին:
Կարդացեք նաև
Առաջին անգամը չէ, որ Գասպարիին բաժին են տանում՝ նույնիսկ չասելով՝ ինչու: Երկու տարի առաջ, օրինակ, ոստիկանական մեքենայից հայտնվել էր անձամբ Վլադիմիր Գասպարյանի աշխատասենյակում:
Մանրամասներին կարող եք ծանոթանալ «Ազատություն» ռ/կ-ի կայքում
