Լրահոս
Օրվա լրահոսը

Մեր երազանք բերող տեսակը. asbarez.com

Հուլիս 08,2015 10:20

Մօտ երկու շաբաթ առաջ, երբ էլեկտրաէներգիայի թանկացման հեռանկարն այլեւս բացայայտ էր ու աննահանջ, խորհրդարանական ընդդիմադիր մի քանի ուժերի ներկայացուցիչներ փորձեցին խնդիրը օրակարգի հարց դարձնել: Հերթով բոլորի բերանը ծեփելով ու ձայնի իրաւունքից զրկելով՝ ԱԺ նախագահը հարցը փակուած համարեց, իր դերակատարութիւնը փայլուն կատարած ու երեւի հանգիստ շունչ քաշեց՝ համոզուած, որ խորհրդարանը մտաւ իր սովորական, տաղտկալի ու կանխատեսելի ընթացքի մէջ:

Իսկ դէմն առած լաւայի պէս խնդիրը փոխեց իր հունն ու յայտնուեց Բաղրամեան պողոտայում:

Անողոք յունիսեան արեւի, ոստիկանական ջրցան մեքենաների ու մահակների ահաբեկող դոփիւնների ներքոյ Բաղրամեան պողոտայում անփորձ, բայց համոզուած երիտասարդների մի խումբ կարողացաւ «Դէմ եմ» կարգախօսով հազարներ հաւաքել: Այդպէս 10 օր շարունակ կաթուածահար եղաւ Բաղրամեան պողոտան ու վաղուց մեր հասարակութեան մէջ արմատացած իշխանութիւն-ժողովուրդ հոգեբանական բարիկադը վերածուեց իրականի՝ մի կողմում արդարութեան ու իրաւունքի պաշտպանութեան համար ոտքի ելած երիտասարդներ, միւսում՝ ժողովրդից իշխանութեան ճշմարտութիւնն ու իրաւունքը պաշտպանող, մահակներով, վահաններով ու անհաղորդ դէմքերով զինուած ոստիկանական շարքեր: Այսպէս 10 օր…

«Սա քաղաքական պայքար չէ եւ գործընթացը անթուլատրելի է քաղաքականացնել» մոլորութեամբ թէ գիտակցաբար յայտարարեցին շարժման անփորձ առաջնորդները: Գուցէ պատճառն այն է, որ Հայաստանում «քաղաքականութիւնն» ու այն իրականացնողներն այնքան վարկաբեկուած արժէքներ են, որ «քաղաքականութիւն» եզրը հնարաւորինս օտարում են իրենցից: Սրանից ի հարկէ բովանդակութիւնը չի փոխւում…

Շատերն են զարմացած, անակնկալի եկած, ոգեւորուած. վարկաբեկուած, անպտուղ ու իներտ քաղաքական ինստիտուտների ու հանրային համատարած յոռետեսութեան միջավայրում, ծնւում է հազարաւորների ակնթարթային շարժում, որի առաջնորդներին նոյնիսկ դէմքով չգիտենք:

ԼԻԼԻԹ ԳԱԼՍՏԵԱՆ

Նյութի մանրամասները կարդացեք asbarez.com-ի կայքում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031