Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարանում այսօր Տիգրան Սարգսյանն ընդդեմ գործարար Փայլակ Հայրապետյանի դատական նիստն էր:
Հիշեցնենք, որ նախկին վարչապետ Տիգրան Սարգսյանը դատարանից պահանջում է պարտավորեցնել Փայլակ Հայրապետյանին shamshyan.com կայքի միջոցով հերքել իր հայտարարությունը, թե «Տիգրան Սարգսյանը պետք է գա քննություն տա ու պարզաբանի 7 մլն և 500 հազար դոլարը, որ իր հաշվին նստել է, այդ գումարներն ի՞նչ է արել»:
Տիգրան Սարգսյանն այդ հայտարարությունը համարում է զրպարտություն հանդիսացող տվյալներ և պահանջում է 1 մլն դրամ որպես բարոյական վնասի հատուցում և դատական ծախսերը:
Գործարարի պաշտպան Գրիշա Բալասանյանը այսօր պնդեց, որ իր պաշտպանյալը չի զրպարտել նախկին վարչապետ Տիգրան Սարգսյանին, այլ կրկնել է երկու տարի առաջ մամուլում գրված տեղեկությունները:
Կարդացեք նաև
Որպես ապացույց` Գրիշա Բալասանյանը դատարանին ներկայացրեց նաեւ ԶԼՄ-ներից ու կառավարության պաշտոնական կայքից հանված քաղվածքներ՝ օֆշորային սկանդալի մասին:
Արփինե ՍԻՄՈՆՅԱՆ
