Լրահոս
Օրվա լրահոսը

Ֆիլմի ցուցադրությունը նպատակ ունի հանրությանը մոբիլիզացնել Թեղուտի խնդրի շուրջ

Հուլիս 15,2015 22:52

Այսoր «Ականաթ» սրճարանում տեղի ունեցավ Թեղուտի պաշտպանության քաղաքացիական նախաձեռնության պատրաստած  «Թեղուտ՝ օրենքից դուրս» ֆիլմաշարի առաջին մասի ցուցադրությունը:

Մինչ ցուցադրությունը նախաձեռնությունը հայտարարել էր, որ լինելու են անհերքելի ապացույցներ այն մասին, թե ինչ կոպտագույն խախտումներով է շահագործվում հանքը «Վալեքս գրուպի» մաս կազմող Թեղուտ ՓԲԸ֊-ի կողմից և ինչ հանցավոր անգործության են մատնված պետական պատասխանատու մարմինները:

Aravot.am-ի հետ զրույցում ֆիլմի սցենարի հեղինակ, Թեղուտի պաշտպանության քաղաքացիական նախաձեռնության անդամ Աննա Շահնազարյանը ներկայացրեց, որ   այս պահին էլ վարչական դատարանում քննվում է  գործ ընդդեմ բնապահպանության նախարարության:

Hripsime-2 Hripsime-3 Hripsime-4 Hripsime-5

 

«Վարույթը հարուցվել է մի քանի կողմերի դիմումով՝ կողմերն են բնապահպանական հ/կ-ները, Շնող համայնքը իր բնակիչներով: Ընդունվել է  վարույթ  հիմք ընդունելով ֆիլմում ներկայացված ապացույցները»,- ասաց նա՝ նշելով, որ  ֆիլմաշարի համար օգտագործվել են իրավական փաստաթղթեր, «Վալեքս գրուպի» կողմից դրամաշնորհի համար միջազգային կազմակերպությանը պատվիրված զեկույցը, արբանյակային լուսանկարներ եւ բացահայտել են, որ ընկերության նախատեսած աշխատանքային ծրագիրը չի համապատասխանում իրականությանը:

«Հիմնական պահանջն է պարտադրել բնապահպանության նախարարությանը՝ իրականացնել տեսչական աշխատանք: Տեսչությունը պարտավոր է բացահայտել բոլոր այն խախտումները, որոնք մենք հիմա ներկայացնում ենք, որոնք մենք փաստարկված ունենք: Ֆիլմում դրանք տարբեր են՝ սկսած նոր իրավական փաստաթղթային փաստերից, մինչեւ արբանյակային լուսանկարները: Բացահայտվում է ծրագրի էությունը, ծրագրի չափերը,  որ ընթացքն ամբողջողին փոխվել է. անտառահատման ծավալներն են բացահայտվում, իրենց աշխատանքային նախագծի անհամապատասխանությունն այսօրվա հետ»,- ասաց Աննա Շահնազարյանը:

Նա նշում է, որ այսօր ցուցադրվողը «Թեղուտ՝ օրենքից դուրս» ֆիլմաշարի առաջին մասն է, լինելու են երկու այլ հատվածներ եւս: Ֆիլմի ցուցադրությունը, ըստ Աննա Շահնազարյանի, Թեղուտի պաշտպանությանն ուղղված հերթական  ակցիան է, որը նպատակ ունի հանրությանը մոբիլիզացնել Թեղուտի խնդրի շուրջ.  «Սա քաղաքական խնդիր է, որը մենք պահում ենք վառ ու կենդանի, եւ մեր խնդիրն այն է, որ հասարակությունը եւս մասնակցի հասարակական այս ճնշմանը, որպեսզի ե՛ւ դատարանները աշխատեն, ե՛ւ պետական մարմինները տեսչություն անեն, եւ վերջնական արդյունքում, երբ որ պարզվի ամեն ինչը, մենք պնդելու ենք դադարեցում եւ քրեական պատասխանատվություն ընկերության նկատմամբ, որը իրականացնում է գործունեություն, որն իրեն թույլատրված չէ»,- ասում է նա:

Հռիփսիմե ՀՈՎՀԱՆՆԻՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Atshak says:

    ըստ իմ դիտարկման, միակ հայաստանյան խուբը, որ ռեալ աշխատում է Հայաստանի համար- դա “Թեղուտի” խումբն է:

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031