Իջեւանի տարածաշրջանի Սարիգյուղ եւ Նոյեմբերյանի տարածաշրջանի Ջուջեւան գյուղերում, Հայաստան-Վրաստան միջպետական ավտոճանապարհի եզրին տեղադրված են արագաչափեր: Սակայն այդ արագաչափերը չեն գործում:
Տավուշի մարզում խոսակցություններ են տարածված, թե Սարիգյուղում եւ Ջուջեւանում արագաչափերի չգործելու պատճառն այն է, որ այդ բնակավայրերը սահմանակից են Ադրբեջանին, ադրբեջանական գնդակոծությունների դեպքում վարորդները գնդակոծության գոտուց արագ հեռանալու համար այդ գյուղերում ստիպված են խախտել սահմանված առավելագույն արագությունը:
Իբր այդ պատճառով է որոշվել նշված արագաչափերը չաշխատեցնել: Սակայն, կարծիք կա նաեւ, որ արագաչափերը պարզապես շարքից դուրս են եկել, նորոգման կարիք ունեն:
Ոսկան ՍԱՐԳՍՅԱՆ
