Լրահոս
Օրվա լրահոսը

Հովհաննես Գրիգորյան. Մեզ համար պատմական օր է

Հուլիս 22,2015 21:30

«Այսօր մեզ համար պատմական օր է, քանզի հայրենակցական միության հիմնադրման առաջին օրից մենք ջանացել ենք, որ Նոր Հաճընում եկեղեցի լինի: Եկեղեցու գոյությամբ մենք վերարժեքավորելու ենք այն ամենը, ինչը մեր նախնիները թողել են այն երկրում»,- այսօր, Նոր Հաճըն քաղաքում Սուրբ Ամենափրկիչ եկեղեցու օծման արարողությունից առաջ Aravot.am-ի հետ զրույցում ասաց «Նոր Հաճըն» հայրենակցական միության նախագահ Հովհաննես Գրիգորյանը:

Նա միության անդամների անունից շնորհակալություն եւ երախտագիտություն հայտնեց եկեղեցին կառուցած բարերարին` Գագիկ Ծառուկյանի եւ Նոր Հաճընի քաղաքապետին, ով հետամուտ է եղել այս գործին:

Հիշեցնենք, այսօր Նոր Հաճըն քաղաքում տեղի ունեցավ Գագիկ Ծառուկյանի կառուցած Սուրբ Ամենափրկիչ եկեղեցու օծման արարողությունը:

IMG_5337

Միության անդամ, հաճընցու թոռ Անահիտ Մուշյանն էլ ասաց, որ շատ ուրախ է Նոր Հաճընում եկեղեցու կառուցման համար: Նա հավելեց, որ եկեղեցուն կից թանգարան կա, որտեղ իրենց նախնիների նկարներն են, ովքեր մասնակցել են Հաճընի համար մղվող մարտերին ու երկրից բերված մասունքները:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031