«Ի՞նչ Սահմանադրության մասին կարելի՞ է խոսել օկուպացված, զավթված երկրում»,- հուլիսի 24-ին Ազատության հրապարակում հավաքի ընթացքում ասաց կինոռեժիսոր Տիգրան Խզմալյանը:
Նրա համոզմամբ՝ մարդկանց ճնշող մեծամասնությունը անտարբեր է այս խնդրի նկատմամբ, որովհետեւ զգում են, որ սա չէ կարեւոր հիմնախնդիրը, որը ծառացել է մեր երկրի առջեւ: Նա նշեց, որ 1991 թվականի օգոստոսին Հայաստանը, ի պատիվ իր այդ ժամանակվա ղեկավարությանը, ճիշտ է կողմնորոշվել եւ քաղաքական, մտավորական, քաղաքացիական ճիշտ գնահատական տվել КГБ-ական դիմակահանդեսին եւ շատ խիստ դատապարտել այն. «Ադրբեջանի այն ժամանակվա քաղաքական իշխանությունը կատարեց սխալ, չթաքցրեց իր ուրախությունը: Ընդամենը մի քանի ժամ անց ամեն ինչ վերջացել էր եւ Ադրբեջանի այդ ժամանակվա նախագահի ճակատագիրը կանխորոշված էր, Ռուսաստանը իրեն նման բան գոնե այդ պահին չներեց: Հիմա հարց եմ տալիս Ձեզ, մի՞թե չեն մտածում, որ այսօրվա КГБ-ական վարչախումբը Կրեմլում հոգեվարքի մեջ է»:
Տիգրան Խզմալյանի խոսքերով՝ աշխարհի ամենահեղինակավոր լրատվամիջոցներն այնպես են խոսում Կրեմլի ղեկավարության մասին, ինչպես խոսում էին Սադամ Հուսեինի մասին իր իշխանության վերջին օրերին:
Ամի ՉԻՉԱԿՅԱՆ
Կարդացեք նաև
