Լրահոս
Օրվա լրահոսը

Սուրիկ Խաչատրյանի խորհրդականը պնդում է՝ Զաքարյան եղբայրներից մեկը հոգեկան խնդիրներ ունի

Հուլիս 26,2015 21:24

Սյունիքի մարզպետ Սուրիկ Խաչատրյանի խորհրդական Վոլոդյա Հովհաննիսյանի ունեցած տեղեկությունների համաձայն, Սդղի Գյոլ կոչվող տարածքում ծեծկռտուքից տուժած Զաքարյան եղբայրները առողջական խնդիրների պատճառով բանակում չեն ծառայել:

«Իսկ դուք գիտե՞ք, որ Հարություն Զաքարյանը, որը ոչ ճիշտ ցուցմունք է տվել մարզպետի որդու համար, բանակում չի ծառայել 6-Գ հոդվածի հիմքով, այսինքն, հոգեկան խանգարումներ, շիզոֆրենիայի ախտանիշներ են: Եվ այդպիսի մարդու ասածը կարելի՞ է  հիմք ընդունել մեկ այլ անձի ձերբակալելու համար: Երկու եղբայրն էլ բանակում չեն ծառայել»,- Aravot.am-ին ասաց Վոլոդյա Հովհաննիսյանը:

Չնայած նախօրեին մարզպետի որդու՝ Տիգրան Խաչատրյանի ձերբակալությանը, մարզպետի խորհրդականը շարունակեց պնդել, որ Տիգրան Խաչատրյանը որեւէ կապ չունի Սդղի Գյոլ կոչվող տարածքում տեղի ունեցած ծեծկռտուքի հետ. «Մեղադրանք է առաջադրվել տուժող կողմի ոչ ճիշտ ու ոչ օբյեկտիվ ցուցմունքի հիման վրա: Ինչպե՞ս կարելի է  հավատալ մի մարդու, որը հիվանդության պատճառով բանակում չի ծառայել»:

 Հիշեցնենք, որ քննչական կոմիտեի հատկապես կարևոր գործերի քննության գլխավոր վարչության վարույթում Գորիսի «Սդղի գյոլ» կոչվող տարածքում Հարություն և Մուշեղ Զաքարյան եղբայրների նկատմամբ կիրառված բռնությունների դեպքի առթիվ քննվող քրեական գործով այսօր ձերբակալվել է Սյունիքի մարզպետի որդին՝ Տիգրան Խաչատրյանը:

Մեր հարցին՝ մարզպետի կապերը այս անգամ չօգնեցի՞ն որդու ձերբակալությունը կանխելու համար, պարոն Հովհաննիսյանն ասաց. «Մարզպետը չի էլ փորձել օգնել որդուն, որովհետեւ ինքը կարծում է՝ արդարությունը պետք է հաղթի, իսկ արդարությունն այն է, որ իր որդին չի մասնակցել ծեծկռտուքին ու չի հարվածել այդ տղային»:

Զաքարյանների պարզաբանումը կներկայացնենք առաջիկայում:

Արփինե ՍԻՄՈՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (3)

Պատասխանել

  1. A.D. says:

    Այ անաստվածներ մարդկանց հաշմանդամ եք դարձրել հիմա էլ թե սուտ է, նույնը քո ընտանիքին լինի այդքան բան։

  2. նկարիչ says:

    Դեմքը (լիսկայի հետեւում) ցնցող արտահայտիչ է: Լավ դիմանկարիչը նախատիպի հիման վրա կարող է գլուխ-գործոց ստեղծել՝ “Ստորաքարշության էքստազ” անվանմամբ:

  3. Վարազ Սյունի (Ամստերդամ) says:

    Լավ, ամոթ է այս Լիսկայի «խորհրդական» կոչված Վոլոդյա Հարությունյանը: Էս մարդուն թվում է, թե «խորհրդական» նշանակում է քծնել ու «շեֆին պաշտպանել»: Սովետի հոտ է փչում սրանցից: Իսկ բանակի ժամանակը ի՞նչ կապ ունի,որ տվել են մարդու աչքը հանել:

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031