ԵԱՀԿ Մինսկի խմբում ամերիկացի համանախագահ Ջեյմս Ուորլիքի հարցազրույցը «Վեդոմոստի»-ին բուռն քննադատության արժանացավ: Այս առիթով, Aravot.am-ի հետ զրույցում 1992-95թթ. ՀՀ նախագահի հատուկ հանձնարարություններով դեսպան, 1994-95թթ. Հայաստանի ԱԱԾ ղեկավար, Տարածաշրջանային հետազոտությունների կենտրոնի առաջատար վերլուծաբան Դավիթ Շահնազարյանը նկատեց.
«Ջեյմս Ուորլիքի ծրագրային հարցազրույցն ուղղված էր Ռուսաստանին, դրանում մի քանի առանցքային ուղերձներ կնշեի: Նախեւառաջ, Ուորլիքը կարեւորեց հակամարտության կառավարումը, նպատակ դնելով բացառել ռազմական գործողությունների նոր բռնկումները: Ուորլիքն ամբողջությամբ ջախջախել է Ադրբեջանի իշխանությունների այն թեզը, որ կարգավորումը դա նախեւառաջ ենթադրում է` Լեռնային Ղարաբաղի շուրջ տարածքների վերադարձ, նշելով, որ դա համապարփակ կարգավորման մի մասն է, որը ուղղակիորեն կապված է Լեռնային Ղարաբաղի քաղաքական կարգավիճակի հետ:
Ավելացնեմ, որ դեսպան Ուորլիքն օգտագործել է նաև «Լեռնային Ղարաբաղի անվտանգություն» ձեւակերպումը: Ուորլիքի հարցազրույցը լուրջ խուճապ առաջացրեց Ադրբեջանի իշխանական վերնախավում: Ուորլիքը, իր հարցազրույցում նաեւ դիվանագիտորեն ակնարկել է, որ Ռուսաստանը միլիտարիզացրել է ԼՂ հակամարտության գոտին եւ ի օգուտ Ադրբեջանի խախտել ռազմական հավասարակշռությունը»:
Կարդացեք նաև
Դավիթ Շահնազարյանի հետ հարցազրույցն ամբողջությամբ կարդացեք վաղվա տպագիր «Առավոտ»-ում:
Էմմա ԳԱԲՐԻԵԼՅԱՆ
$100 😀
Ըստ Շահնազարյանի՝ երբ ամերիկացին է խոսում ապա միշտ ի օգուտ հայերի է, որը եւ սաստում է ռուսների վնասակար նկրտումները: Սակայն ռուսները բաց տեքստով գոնե չեն ասել թե էս հարցը անպայման այսպես պիտի որոշվի: Պուտինը այդ տեսակետից (Լուկաշենկոն նույնպես) տրամաբանական հստակ միտք է արտահայտել՝ – խնդիրը ձեր միջեւ է, ինքներդ էլ պիտի լուծեք, եթե բավարար խելք ունեք: Դե, եթե չունենք, ապա բնական է որ ամեն մեկը պիտի փորձի իր օգտին ծառայեցնել ձեր տարաձայնությունները: Այս է պարզ իրականությունը: