Լրահոս
Օրվա լրահոսը

Անդրիաս Ղուկասյան. «Սահմանադրական փոփոխությունների հետեւանքները բացասական են լինելու բոլորի համար»

Հուլիս 30,2015 20:30

Ինչպես արդեն տեղեկացրել էինք՝ ԱԻՄ առաջնորդ Պարույր Հայրիկյանը հուլիսի 30-ին Մատենադարանի հարակից տարածքում հանրահավաք եւ երթ էր հայտարարել, սակայն դրանք տեղի չունեցան: Չնայած այդ հանգամանքին՝ ԱԻՄ անդամները գնացել էին Մատենադարան, որոշ ժամանակ անց նրանց միացավ նաեւ «Ոտքի, Հայաստան» քաղաքացիական նախաձեռնության խորհրդի անդամ Անդրիաս Ղուկասյանը:

Վերջինս լրագրողների հետ զրույցի ընթացքում ասաց՝ կարեւոր է համարում, որ բոլոր քաղաքական ուժերը, որոնք իրենց անհամաձայնությունը հայտնեցին սահմանադրական փոփոխությունների շուրջ, իրենց մեջ ուժ գտնեն եւ միավորվեն եւ միասնական գործեն:

«Երկար ճանապարհը սկսվում է առաջին քայլից, կարեւոր է, որ այս քայլը եղավ՝ առաջին միջոցառումը, երբ քաղաքական ուժը հանդես եկավ նախաձեռնությամբ, հանրության ուշադրությունը գրավեց, որ կա լրջագույն խնդիր»,- ասաց Անդրիաս Ղուկասյանը:

Ըստ նրա՝ սահմանադրական փոփոխությունների հետեւանքները բացասական են լինելու բոլորի համար. «Եթե այսօր կան քաղաքացիական շարժումներ, ինչ-որ քաղաքական ուժեր, որոնք փորձում են հանդես գալ հանրային շահերը պաշտպանելու պատրաստակամություն հայտնեցին, ժամանակն է, որ հասարակական լայն գործընթացներ սկսեն»:

Aravot.am-ի հարցին, թե իր ներկայությունը այս հավաքին նշանակո՞ւմ է, որ «Ոտքի՛, Հայաստան» նախաձեռնության պահանջներին մի նոր կետ է ավելանում, Անդրիաս Ղուկասյանը պատասխանեց. «Ես եկել եմ «Ոտքի, Հայաստան» քաղաքացիական նախաձեռնության խորհրդի որոշմամբ: Եվ իմ մասնակցության նպատակն է, որ ցույց տանք օժանդակության պատրաստակամությունը սահմանադրական չարեփոխումների դեմ ցանկացած նախաձեռնության»:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2015
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031