Լուսանկարում պատկերված ծանուցումը դատարանից մեր բնակարան են բերել այսօր՝ մի քանի ժամ առաջ:
Ծանուցումն ամենայն հավանականությամբ Արաբկիր եւ Քանաքեռ Զեյթուն վարչական շրջանների ընդհանուր իրավասության դատարանի մոտ տեղի ունեցած միջադեպի մասին հրապարակման հետ է կապված, որի առնչությամբ 2 անգամ արդեն բացատրություններ ենք տվել ոստիկանությունում:
Դատարանից հորդորում են Հռիփսիմե Ջերջերյանին ներկայանալ դատարան՝ որպես վկա ու զգուշացնում, որ առանց հարգելի պատճառի դատական նիստին չներկայանալու դեպքում կարող ենք բերման ենթարկվել հարկադիր կարգով:
![IMG_2693[1]](https://www.aravot.am/wp-content/uploads/2015/07/IMG_26931.gif)
![IMG_2692[1]](https://www.aravot.am/wp-content/uploads/2015/07/IMG_26921.gif)
Կարդացեք նաև
Բացի այն, որ իմ ազգանունը Ջերջերյան չէ, Ջեբեջյան է, դատարանը հրավիրում է մի դատական նիստի, որը, փաստորեն 1 ամիս առաջ է եղել: Հորդորում են դատարան ներկայանալ 2015-ի հունիսի 30-ին, ժամը 15.30-ին. «Խնդրում եմ նշված օրը եւ ժամին անձնագրով ներկայանալ դատական նիստին»:
Եթե այսպիսի ճշգրտությամբ են մեր դատարաններն աշխատում եւ արդարադատություն իրականացնում, ապա նախապես հայտնենք, որ կարող եք 2015-ի հունիսի 30-ին հարկադիր բերման ենթարկել դատարան, մենք հետին թվով դատական նիստերի մասնակցելու կարողություն չունենք:
Հռիփսիմե ՋԵԲԵՋՅԱՆ
Իսկ ինչ կասեք այն երեւույթին, երբ նույն դատարանը ամուսնալուծության գործով իր վճռով ապացուցված է համարել դատաքննության ընթացքում հայցվորի մահանալու փաստը, սակայն գործը կարճել է ո՛չ թե այդ հիմքով, այլ՝ … որ հայցվորը հրաժարվել է հայցից: