Ինչպես արդեն տեղեկացրել էինք, ԱԻՄ առաջնորդ Պարույր Հայրիկյանը հուլիսի 31-ին պետք է հանդիպեր Սահմանադրական բարեփոխումների հանձնաժողովի աշխատանքային խմբի անդամների հետ: Այսօր Պարույր Հայրիկյանը լրագրողներին տեղեկացրեց, որ առավոտյան իրեն զանգահարել է Սիրանույշ Սահակյանը եւ տեղեկացրել, որ Սահմանադրական դատարանը շատ կարեւոր նյութեր է ստացել Վենետիկի հանձնաժողովից եւ բոլոր աշխատակիցները պետք է զբաղվեն այդ նյութերի ուսումնասիրությամբ, ուստի հանդիպումը 1 շաբաթով հետաձգվում է. «Եթե սա սադրանք է ոչ բարեկամների կողմից, ուրախալի է, որ այդպիսի զանգ ենք ստանում, իսկ եթե դա սահմանադրական փոփոխությունների հանձնաժողովին տրված հրաման է՝ չեղյալ համարել այսօրվա հանդիպումը, դա միասին կպարզենք»:
Չնայած այդ զանգին, Պարույր Հայրիկյանը գնաց Սահմանադրական դատարան, որպեսզի մասնակցի հանդիպմանը՝ նախնական պայմանավորվածության համաձայն: Սակայն ոստիկանության աշխատակիցները թույլ չտվեցին վերեւ բարձրանալ, նշելով, որ հանձնաժողովի նախագահը տեղում չէ:
Ամի ՉԻՉԱԿՅԱՆ
