Վենետիկի հանձնաժողովը հրապարակել է իր նախնական գնահատականը Հայաստանում ներկայացված նոր սահմանադրության փոփոխությունների 1-7-րդ գլուխների վերաբերյալ:
Իր գնահատականի եզրակացությունում Վենետիկի հանձնաժողովը ընդգծում է այն կետերը, որոնք պետք է փոփոխվեն: Հանձնաժողովն առաջարկում է հանել «քվեարկելու և Ազգային ժողովի թեկնածու լինելու սահմանափակումները»:
Վենետիկի հանձնաժողովը նշում է նաև, որ ընտրական համակարգը մանրամասն չպետք է սահմանվի Սահմանադրության մեջ:
Նշվում է, որ «Առավել մեծ թվով ձայներ հավաքած կուսակցությունների և կուսակցությունների դաշինքների միջև ընտրությունների երկրորդ փուլի մասին դրույթը պետք է հանվի»: [«Եթե Ազգային ժողովի ընտրությունների առաջին փուլի արդյունքում կայուն խորհրդարանական մեծամասնություն չի ձևավորվում, ապա անցկացվում է քվեարկության երկրորդ փուլ, որին մասնակցում են առավելագույն ձայներ ստացած երկու կուսակցությունները կամ կուսակցությունների դաշինքները», նոր սահմանադրության նախագծի 89/4 հոդված]:
Կարդացեք նաև
«Ազգային ժողովում նրա գումարման ողջ ընթացքում նոր խմբակցություններ ձևավորելու արգելքը պետք է հանվի, քանի որ դա կսահմանափակի պատգամավորի մանդատի ազատությունը»,- նշված է եզրակացությունում:
Վենետիկի հանձնաժողովը Հայաստանի իշխանություններին կոչ է անում շարունակել քննարկումը քաղաքական բոլոր ուժերի և քաղաքացիական հասարակության հետ՝ հստակեցնելու բոլոր թյուրըմբռնումները և բարեփոխման համար ապահովելու հնարավորինս լայն աջակցություն:
Նյութն ամբողջությամբ՝ սկզբնաղբյուր կայքում
