Ի պաշտպանություն անազատության մեջ գտնվող ազատամարտիկ Վոլոդյա Ավետիսյանի՝ Ազատության հրապարակում նստացույց սկսած ազատամարտիկները դեռ չեն որոշել նստացույցն ավարտելու օրը:
«Եթե սկսել ենք, վերջն էլ պետք է լինի, բայց կոնկրետ ավարտի մասին խոսք չկա. կարող է վաղը լինել, կարող է մինչեւ Վոլոդյա Ավետիսյանի դուրս գալու ժամկետը»,- Aravot.am-ին ասաց ազատամարտիկ Գագիկ Սարուխանյանը:
Նրա խոսքով, նստացույցը բերում է իրենց ակնկալած արդյունքները. «Տղաները մշտապես մոտենում են, միանում են: Կան տղաներ, որ ավելի հաճախ են գալիս, հերթապահում, այս պահին Գյումրիի մեր մարտական ընկերներն են միացել, մեզ հետ անցկացնելու այս օրը»:
Պարոն Սարուխանյանը համոզված է, որ նստացույցի շնորհիվ իրենց հաջողվեց կոտրել մարդկանց մեջ հիասթափությունը. «Եթե մարդկանց մեջ հիասթափական, հոգնածության կամ հետագա գործունեության վերաբերյալ տարբեր կարծիքներ կային՝ հիասթափական նոտաներով, այս նստացույցի ձեռքբերումներից է այն, որ տղաները, մեզ միանալով կամ նույնիսկ չմիանալով, ոգեւորվում էին, վերահաստատում տեսակետը, որ պայքարը պետք է շարունակվի:
Կարդացեք նաև
Այդ ձեռքբերումը մեզ ավելիով է ոգեւորում, մարդկանց տրամադրվածության որակական նոր վիճակ ունենք»:
Արփինե ՍԻՄՈՆՅԱՆ
