«Ազատագրում» նախաձեռնությունը օգոստոսի 1-ին Ազատության հրապարակում հավաք էր հայտարարել: Նախաձեռնության համակարգող խմբի անդամ Արթուր Մովսիսյանը նկատեց, որ բացի էլեկտրաէներգիայի սակագնից՝ կան նաեւ այլ խնդիրներ, օրինակ` ցորենի հարստացման, քաղբանտարկյալների խնդիրները. «Ցանկացած օր, ցանկացած շաբաթ, ամեն պահի սկսվում է խնդիր, խնդիրը ստեղծում են այս ապաշնորհ զավթիչները: Զավթիչը նախագահ չէ»:
Հավաքին ներկաներից մեկը վրդովվեց, թե Արթուր Մովսիսյանը կրկնում է այն, ինչ բոլորն էլ ասում են, վերջինս էլ պատասխանեց. «Ես չեմ կանչել, որ նույն բանն ասեմ: Մեր ասածն այն է, որպեսզի առանձին խմբերով չպայքարենք հոսանքի թանկացման դեմ, մի խումբը չպայքարի ցորենի հարստացման դեմ, մյուս խումբը չպայքարի գազի դեմ, մյուս խումբը չպայքարի ազատություն քաղբանտարկյալների: Այսինքն՝ եկել է ժամանակը, որ պետք է ստեղծենք միասնական ճակատ, միասնական ճակատով պայքարենք այս ապաշնորհ իշխանությունների դեմ»:
Արթուր Մովսիսյանը պարզաբանեց՝ իրենք առաջարկում են ոչ թե միանալ իրենց կամ իրենց նախաձեռնությանը, այլ առաջարկում են միանալ իրենց առաջ քաշած գաղափարին, իրենց պահանջին:
«Պայքարի տարբեր միջոցներ կան՝ սպասել մինչեւ ընտրությունները, մենք ունենք ոչ ժամանակ ոչ առողջություն, ոչ էլ երեւի թողնելու են, որ մենք այդքան ապրենք: Մինչեւ հաջորդ ընտրությունները Հայաստանում երեւի այսքան մարդ է մնալու: Ուրեմն՝ մեր առաջարկն է ընտրել փողոցային պայքարը, մենք առաջարկում ենք դուրս գալ փողոց, քաղաքացիական բոլոր տեսակի անհնազանդությունների միջոցով ստիպենք այս ռեժիմին հանձնել իրենց իշխանությունը»,- ասաց Արթուր Մովսիսյանը:
Կարդացեք նաև
Ամի ՉԻՉԱԿՅԱՆ
