Կայացավ է Արմեն Էլբակյանի բեմադրած «Մենք եւ նրանք. հետաքննություն» ներկայացման պրեմիերան
Էդգար Էլբակյան թատրոնում օրերս պրեմիերա էր՝ «Մենք եւ նրանք. հետաքննություն» վերնագրով: Կրկին արծարծվում էր հայկական հարցը, Սողոմոն Թեհլերյանի դատավարությունը…
Ներկայացման ռեժիսոր Արմեն Էլբակյանը բազմիցս արծարծված թեմային նոր լուծումներ էր տվել: Ներկայացումը ինտերակտիվ էր, սկսվեց դահլիճից, որոշ դրվագներում մասնակցում էր նաեւ հանդիսատեսը, չկային անհարկի բղավոցներ, ավելորդ պաթետիզմ, լալկանություն: Պիեսի հեղինակը Տիգրան Քելեմյանն է, իսկ Գարիկ Եվանգուլյանը հրաշալի ձեւավորում էր արել: Ըստ ներկայացման գործողությունների՝ հայկական մի թատերախումբ է մեկնում Թուրքիա՝ ուսումնասիրելու Հայոց ցեղասպանության մասին թուրքական արխիվները: Ներկայացման մեջ թատերախումը բեմադրում է Սողոմոն Թեհլերյանի դատավարությունը, ապա հանդիսատեսի աչքի առաջ միահյուսվում են անցյալն ու ներկան, ու այդպիսով յուրօրինակ հետաքննության փորձ է արվում:
Կարդացեք նաև
«Լուծումը հենց այնպես է արված, որ ազդենք ոչ թե սրտի, այլ մտքի վրա, որովհետեւ այս թեման այնքա՜ն արծարծված է, որ կարող է վերածվել հավիտենական ողբի, այնինչ մեզ անհրաժեշտ է, որ դա վերածվի հավիտենական մտքի, ռացիոնալ վերաբերմունքի եւ ռացիոնալ մոտեցման»,-ասաց Արմեն Էլբակյանը:
Մանրամասները՝ վաղվա տպագիր «Առավոտում»:
Գոհար ՀԱԿՈԲՅԱՆ
Վաղուց բեմադրում են առանց լացուկոծի: Դերասանները թույլ էին: