Ինչպես հայտնի է՝ համահայկական ամառային 6-րդ խաղերի երկու մարզաձեւեր՝ ֆուտզալն ու ֆուտբոլը օգոստոսի 2-ից 7-ը անցկացվելու են Գյումրիում: Այսօր արդեն ֆուտզալը մեկնարկել է. Գյումրին հյուրընկալել է Ավստրալիայի Սիդնեյ ու Արգենտիայի ԼաՊլատա քաղաքների թիմերին ու դեռ սպասում է մեծ թվով սփուռքահայերի Թուրքիայից, Լիբանանից, Ուկրաինայից, Ռուսաստանից, Իրանից, Գերմանիայից:
Շիրակի մարզպետարանի մշակույթի ու սպորտի բաժնի պետ Վաչիկ Վարդանյանը մեզ հետ զրույցում նշեց, որ Գյումրիում համահայկական խաղերի ծրագրով նման միջոցառում անցկացվում է առաջին անգամ, որի համար անչափ ուրախ են, բարձր մակարդակով պատրաստվել են: Գյումրու քաղաքապետարանը համայնքի միջոցներով վերանորոգել է Արամ Սարգսյանի անվան մարզադպրոցի մարզադահլիճը, որպեսզի Համահայկական ամառային 6-րդ խաղերի ֆուտզալ մարզաձեւն անցկացվի այստեղ:
Ըստ պաշտոնյայի, Հայաստանի ֆուտբոլի ֆեդերացիայի Գյումրու ակադեմիայի խաղադաշտը եւս եզակի է իր հարմարություններով: Վաչիկ Վարդանյանի ասելով, ոչ բոլոր թիմերն են ցանկություն հայտնել մնալ Գյումրիում, թեեւ մրցումներն ամեն օր են, սակայն նրանց մեծ մասը ուզում են գալ-գնալ մայրաքաղաք: «Իրենց կամքն է, ոչ մեկը չի կարող բռնանալ նրանց կամքին, մասնակից 9 թիմերից, նախնական տվյալներով միայն 3-ն են ցանկություն հայտնել մնալու, դրանք են՝ Թեհրանը, Մոսկվան եւ Կիեւը»:
Կարդացեք նաև
Նունե ԱՐԵՎՇԱՏՅԱՆ
Իսկ ինչու չեն կամեցել մնալ Գյումրիում???? 1. Քաղաքի պայմանները լավը չեն, 2. խաղերին լուրջ չեն վերաբերում եւ խաղից առաջ այս ՃՌՌԱՆ շոգին մի 100 կմ ճանապարհ են կտրում: 3. երկուսը միասին:
Երեք դեպքում էլ լացդ գալիս է` հերթական անգամ մեծ գումարներ են ծախսվում, արդյունավետությունը չի տպավորում: