Լրահոս
Օրվա լրահոսը

«Ինձ էլեկտրոնային պուշկա էին առաջարկում, նենց բաներ, որ ծիծաղելի է»

Օգոստոս 04,2015 22:57

ՊՆ նախկին նախարարը՝ բանակում բարձր տեխնոլոգիաների կիրառման, զոհված զինվորների ծնողներին պատասխան տալու բեռի եւ 7 տեղից ինֆորմացիա ստանալու փորձի մասին

Ինֆորմացիոն տեխնոլոգիաների ձեռնարկությունների միության տնօրեն Կարեն Վարդանյանը վերջերս ԱԺ լսումների ժամանակ մտահոգություն հայտնեց, որ բանակի եւ բարձր տեխնոլոգիաների ոլորտի միջեւ չկա կամուրջ. «Ունենք սահմանի վրա խփված տղերք: Կարող ենք լուծել բազմաթիվ խնդիրներ, որ այդպես չլինի, բայց չի արվում: Օրինակ, տանկերը մոդեռնիզացիայի ենթարկելու հնարավորություն կա, բայց չի արվում: Մնացածը, ինչ ասվում է՝ ֆանտաններ են, սալյուտներ եւ փուչիկներ են միայն»: Նա ասել էր, որ ՊՆ որոշ պաշտոնյաներ նախարարի մոտ իրենց գիտակի տեղ են դնում եւ սխալ են զեկուցում՝ տեղյակ չլինելով խնդրից:

Այս առնչությամբ «Առավոտի» հետ զրույցում 1999-2000թթ. ՊՆ նախարար Վաղարշակ Հարությունյանը մեր հարցին ինչքանո՞վ է հնարավոր նորարարական տեխնոլոգիաները կիրառել բանակում, որը չի արվում՝ պատասխանեց «Կան հիմա շատ հզոր տեխնոլոգիաներ, որոնց համար գումար է անհրաժեշտ: ԱՄՆ բանակը 1 մլն 200 հազար է, իրենց բյուջեն 600 մլրդ է, տեսեք ինչ հնարավորություններ կան: Դրա համար իրենք ստեղծում են ինքնաթիռներ, որոնց արժեքը 1 մլրդ է: Մենք այդպիսի հնարավորություն չունենք: Մի ինքնաթիռը պահելը մեծ գումար է: Մենք գնում ենք այլ ճանապարհով՝ հակաօդային  պաշտպանության, որը լավագույնն է տարածաշրջանում: Նույնիսկ Թուրքիան չունի այդպիսի հակաօդային պաշտպանություն: Այնպես որ, իրենց ինքնաթիռները, որոնք ունեն այսօր, մենք չեզոքացնում ենք հակաօդային պաշտպանությունով եւ ավելի արդյունավետ: Նույնը՝ զրահատեխնիկան է: Իրենք վերցնում են զրահատեխնիկա, մենք վերցնում ենք հակատանկային միջոցներ, որոնք տասնյակ անգամ ավելի էժան են, բայց՝ էֆեկտիվ: Եվ հետո մենք պաշտպանվում ենք, մեզ պետք չի հարձակվել: Իհարկե, կան տեխնոլոգիաներ, որոնք պիտի օգտագործես, օրինակ՝ հակաէլեկտրոնային պայքարի տեխնոլոգիաները: Մենք օգտագործում ենք դրանք: Մեր բանակն ու անձնակազմը  համապատասխանում է ստեղծված իրավիճակին եւ գրագետ է: Կան տեխնոլոգիաներ, որոնք կարող է օգտագործվեին, բայց միջոցների բացակայության պարագայում չենք անում»:

Ինչ վերաբերում է նախարարին սխալ զեկուցելուն, Վաղարշակ Հարությունյանը պատասխանեց. «Ես էլ եմ նախարար եղել, գիտեք իմ մոտ ինչքան մարդ է եկել ու նենց բաներ են առաջարկել, որ խորանում ես՝ ծիծաղելի է: Ասենք, մի անգամ էլեկտրոնային պուշկա էին ինձ առաջարկում՝ հոսանքով կրակում է: Էլեկտրոնային դաշտ է ստեղծում ու կրակում է: Ինձ տարան ինստիտուտ, պատմեցին լուրջ մարդիկ: Գնացի նայեցի, էնքան փող պիտի ծախսես, որ դրան հասնես, որ դա անիմաստ է դառնում: Հետո ԱՄՆ-ի, ՌԴ-ի նման պետությունները չունեն դա, մենք ո՞նց կարող ենք դա ստեղծել»:

Նախկին նախարարը վստահեցրեց, որ այն սարքերը, որոնք անհրաժեշտ են, Սեյրան Օհանյանին շատ լավ զեկուցում են եւ նախարարն անպայման կիրառում է դրանք բանակում. «Ամենաշահագրգռվածն այս հարցում նախարարն է, որովհետեւ ամեն օր մարդիկ են զոհվում, ինքը պատասխան պիտի տա ծնողներին: Ես գիտեմ դա ինչ ծանր բեռ է՝ զոհերի ծնողները գալիս են, պիտի պատասխան տաս: Դա գրուզ է: Օրինակ, ես որ գալիս էի գործի, առաջինը դրանով էի զբաղվում: Ժամը 8-ին գալիս էի ու ինձ զեկուցում էին՝ ով է զոհվել, ինչ է արել: Ու ես ոչ մեկին չէի հավատում: Ես ստեղծել էի 7 օղակ, որ ինձ զեկուցում էր, ամեն մեկն՝ առանձին: Վերջում էլ մեկը կար, որ ինքն անձամբ գնում էր, նկարում էր, բերում էր ինձ, ես անձամբ նայում էի: Բուժծառայությունը, ոստիկանությունն էր զեկուցում: 7 տեղից ինֆորմացիա էի ստանում ու առաջին կես ժամը դրանով էի զբաղվում: Դա շատ մեծ բեռ է: Միշտ գիշերն արթնանում էի ու խնդրում, որ բան չլինի, ով է զոհվել, ինչ է…»:

Իսկ թե ինչու չէր վստահում իր ենթականերին եւ այլընտրանքային աղբյուրներից էր փորձում ճշտել եղելությունը յուրաքանչյուր զոհված զինվորի մասին՝ Վաղարշակ Հարությունյանը պատասխանեց. «Որովհետեւ դա կյանք է, եւ մեղավորների դեմ քրգործեր էի հարուցում: Նրանք, բնական է, փորձում էին ամեն ինչ քողարկել, որովհետեւ գիտեին, որ քրգործ է հարուցվելու»:

Վաղարշակ Հարությունյանը վստահեցրեց, որ հայկական բանակում հիմա շատ գրագետ են գործում:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Mard says:

    Էս ո՞վ էր. ասում է փող չունենք, դե որ փող չունեք, թողեք սգրեք մի ուրիշը կգա փող էլ կճարի, էլեկտրոնային թնդանոթ էէլ կսարքի (թնդանոթ, այլ ոչ թե պուշկա): Քյալի երկիր է ժող ջան, մի նեղվեք, մի օր երևի դա էլ անցնի:

Պատասխանել

Օրացույց
Օգոստոս 2015
Երկ Երե Չոր Հնգ Ուրբ Շաբ Կիր
« Հուլ   Սեպ »
 12
3456789
10111213141516
17181920212223
24252627282930
31