Եվրոպայի պատանեկան առաջնությունում քիչ առաջ 85 կգ քաշային Արսեն Մարտիրոսյանը (նկարում), որն արդեն այս մարզաձեւում ճանաչում ձեռք բերած Սիմոն Մարտիրոսյանի կրտսեր եղբայրն է, երկամարտի 301 (130+171) կգ արդյունքով դարձավ բրոնզե մեդալակիր՝ միայն անձնական քաշի պատճառով արծաթը զիջելով լեհ Մաթեուշ Շկուլիմովսկուն:
Այս քաշային կարգում հանդես էր գալիս նաեւ Հարություն Ենգիբարյանը, որը պոկում վարժությունից հետո ցույց էր տվել երկրորդ արդյունքը՝ 138 կգ: Սակայն, ըստ ամենայնի, պայքարի լարվածությունը եւ պատվո պատվանդանին շատ մոտ գտնվելը կատարեցին իրենց «սեւ գործը» եւ Հարությունը հրում վարժությունում չբարձրացրեց նախնական 160 կիլոգրամը:
Աշոտ ՀԱԿՈԲՅԱՆ
