«Ակնհայտ է, որ Հայաստանի նման երկրներում քաղաքականությունն ու բիզնես շահերը բավարար չափով տարանջատված չեն: Կոռուպցիայի մեկ այլ մակարդակ է այն, ինչ մենք կոչում ենք վարչական կոռուպցիա, երբ քաղաքացին գործ է ունենում պետական կառույցների հետ, օրինակ՝ կրթության, առողջապահության հարցերով, կամ ոստիկանության հետ, և կաշառքի ռիսկ կա: Հայտնի է, շատ երկրներում կոռուպցիայի առաջին տեսակի դեմ պայքարը շատ դժվար է: Այնուամենայնիվ, բազմաթիվ երկրներ կոռուպցիայի դեմ պայքարի գերազանց մեկնարկ են ունեցել՝ կենտրոնանալով վարչական կոռուպցիայի դեմ պայքարի ուղղությամբ», – «Ազատության» հետ զրույցում ասաց ԱՄՆ ՄԶԳ հայաստանյան գրասենյակի ղեկավար Քարեն Հիլիարդը:
Գրեթե չորս տարի է անցել նախագահ Սերժ Սարգսյանի հավաստիացումից, որ բիզնեսը պետք է տարանջատվի իշխանությունից: 2011 թվականի նոյեմբերի 9-ին կայացած Հայաստանի արդյունաբերողների և գործարարների միության համագումարում Սարգսյանը, մասնավորապես, հայտարարել էր․ – «Գործարարությունը պետք է հետևողականորեն տարանջատվի պետական համակարգից և իշխանությունից»: Սակայն անցած տարիներին լրատվամիջոցներն ուղղակի հեղեղված էին բարձրաստիճան պաշտոնյաների ընտանիքների անդամներին, ազգականներին պատկանող բիզնեսների մասին հրապարակումներով:
Մանրամասներին կարող եք ծանոթանալ «Ազատություն» ռ/կ-ի կայքում
