Լրահոս
Օրվա լրահոսը

Օրենքը փոխում են, որ արտադրողը սպառողին չխաբի «էկոլոգիական», «էկո», «բիո» մակնշումներով

Օգոստոս 12,2015 18:20

Անկախ այն բանից արտադրանքը օրգանական է կամ նրա քանի տոկոսն է բնական հումքով, արտադրողները հաճախորդ գրավելու համար իրենց ապրանքների վրա մակնշում են  «էկոլոգիապես մաքուր», «բիոլոգիական», «էկո», «բիո» տերմինները:

Կառավարության օգոստոսի 13-ի նիստում գյուղատնտեսության նախարար Սերգո Կարապետյանը վարչապետին կներկայացնի «Օրգանական գյուղատնտեսության մասին» օրենքի նախագիծը, որով կանոնակարգվում է կաթի եւ կաթնամթերքի արտադրության ոլորտը: Այս մասին տեղեկանում ենք կառավարության նիստի օրակարգից: Օրենքի նախագծով կշտկվի նաեւ Հայաստանի եւ ԵԱՏՄ տեխնիկական կանոնակարգերում առկա հակասությունները:

Ըստ գյուղնախարարի, այսուհետեւ օրգանական գյուղատնտեսական արտադրանքի մակնշման մեջ, ինչպես նաեւ գովազդում պետք է նշվի «օրգանական» կամ մակնշման առումով համարժեք «էկոլոգիական», «էկոլոգիապես մաքուր», «բիոլոգիական» տերմինները կամ դրանց «էկո», «բիո» կամ կրճատ այլ ձեւերը` առանձին կամ հարադիր, միայն այն դեպքում, եթե այն օրգանական գյուղատնտեսության վարման մեթոդով արտադրված եւ հավաստված (սերտիֆիկացված) արտադրանք է:

Նույն նախագծով մեր երկրում սննդամթերքի արտադրություն եւ շրջանառություն իրականացնող եւ ծառայություններ մատուցող տնտեսավարող սուբյեկտների, թողարկվող եւ շրջանառվող սննդամթերքի մատուցման ծառայությունների անհատականացման եւ սննդամթերքի միջոցներում արգելվում է օգտագործել «օրգանական», «էկոլոգիական», «բիոլոգիական» բառերը կամ դրանց «էկո», «բիո» կամ կրճատ այլ ձեւերը:

Լուսինե ԲՈՒԴԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. ՀՀ քաղաքացի says:

    Իսկ այս օրենքը կօգնի բացառել կեղծումները????

    25 տարի է նույն բանն են անում: Փոխանակ գործող իրավական ակտերը ամբողջությամբ կիրառեն ու նոր միայն ԿԱՐԻՔ լինելու դեպքում փոփոխություններ անեն, իրավական ակտեր են ընդունում եւ թողնում թղթի վրա:

Պատասխանել

Օրացույց
Օգոստոս 2015
Երկ Երե Չոր Հնգ Ուրբ Շաբ Կիր
« Հուլ   Սեպ »
 12
3456789
10111213141516
17181920212223
24252627282930
31