Դնեպրոպետրովսկի մարզում անհայտ անձինք գողացել են Ուկրաինայի Մայդանի առաջին զոհ Սերգեյ Նիգոյանի գերեզմանի մոտ տնկված ծառերը: Այս տեղեկությունը, հղում կատարելով տեղի իրավապահ մարմիններին, հաղորդել է «Lifenews»-ը:
Նրանց խոսքերով՝ բարբարոսության մասին լուրը ստացել են մահացածի հարազատներից: Իրավապահները արդեն պարզել են, որ գողացվել է 7 եղեւնի: Կատարվում են որոնողական աշխատանքներ:
«Lifenews»-ը նշել է, որ Ուկրաինայի օրենքներով գերեզմանը պղծելու համար նախատեսված է պատիժ՝ նվազագույն աշխատավարձի հարյուրապատիկի չափով:
Սերգեյ Նիգոյանը ծնվել է 1993 թվականի օգոստոսի 2-ին: 2014 թվականին դարձել է Եվրամայդանի ակտիվ մասնակից: Սպանվել է 2014 թվականի հունվարի 22-ին: Նրան հետմահու շնորհվել է Ուկրաինայի ազգային հերոսի կոչում:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
