ՀՀ վարչապետ Հովիկ Աբրահամյանը տեղեկացրեց, որ երկու օր հետո ՀԾԿՀ-ում անցկացվելու է խորհրդատվություն: Այսօր «Բազե 2015»-ի բացման արարողությունից հետո բազեականների հետ հանդիպմանը ՀՀ վարչապետը հայտարարեց, որ խոսքը ոչ թե աուդիտի, այլ խորհրդատվության մասին է, որը անցկացվելու է հանձնաժողովում, պարզելու, թե արդյոք այդ բարձրացված սակագինը, որն առաջարկվել է, արդարացվա՞ծ է:
Ինչ վերաբերում է աուդիտին և ՀԷՑ-ում եղած թալանին, Հովիկ Աբրահամյանը աուդիտի անցկացման մասին որևէ հստակ բան կամ ժամկետ չնշեց ու հայտարարեց. «Թալան կա ՀԷՑ-ում, թող աուդիտ արվի, պարզվի: Դա որևէ կապ չունի ՀՀ իշխանությունների հետ: Իսկ եթե Ռոբերտ Նազարյանի հանձնաժողովը սխալ է հաշվարկել, մենք ուզում ենք հանրությանը տեղեկացնել այդ մասին»:
Դառնալով սուբսիդավորմանը, վարչապետը նշեց. «Ես որպես վարչապետ՝ դեմ եմ, որ խոշոր բիզնեսին սուբսիդավորենք, քաղաքացիներին կողմ եմ: Լավ կլինի, որ բոլոր այն մարդիկ, ովքեր դուրս էին եկել փողոց, թող գնային մասնակցեին: Եթե գլխավոր պատճառը դա էր փողոցում նստելու, թող գնան մասնակցեն»:
«Նաիրիտի» վերագործարկման հավանականության մասին վարչապետն ասաց. «Համաշխարհային բանկին խնդրեցինք, որ միջազգային փորձաքննություն հրավիրեն այդ հարցով և փորձագիտական եզրակացություն ներկայացնեն կառավարությանը: Այսօրվա տեխնիկական վիճակով, որ «Նաիրիտն» ունի, անարդյունավետ է շարունակել «Նաիրիտի» ապագան: 350 մլն դոլարի ներդրում է պետք, իսկ ՀՀ կառավարությունն այսօր այդ հնարավորությունը չունի»:
Կարդացեք նաև
Բազեականներին խորհուրդ տալով Հովիկ Աբրահամյանն ասաց. «Մի պարզ խորհուրդ եմ տալու, քանի որ ես ուղիղ մարդ եմ: Հիշեք, որ յոթ օր հետո բաժանվելու եք: Թե չէ մարդ կա պաշտոն են տալիս, գիտի այդ պաշտոնին վեչնի պիտի մնա»:
Տաթև ՀԱՐՈՒԹՅՈՒՆՅԱՆ
Իսկ եթե պարզվի, որ Ռոբերտ Նազարյանը սխալ է հաշվել, նա գոնե կհեռացվի????, թե ՎԵՉՆԻ կմնա կամ ասենք այլ պաշտոնի կտեղափոխեն