Ավելի պարզ, բայց ավելի համեղ աղցան ուղղակի դժվար է պատկերացնել՝ ընդամենը լոլիկի եւ պանրի համադրություն, բայց ինչպիսի՜ համադրություն: Երբեմն, այս աղցանը մի փոքր բարդացնելու համար վրան տարբեր թանձրուկներ են ավելացնում, օրինակ՝ ձիթապտղի պաշտետ, սոուս «Պեստո» եւ այլն, բայց իրական «Կապրեզեն», համենայնդեպս, իր հայրենիքում՝ Իտալիայում, մատուցում են միայն ձիթապտղի յուղ + բալզամիկ քացախ համադրությամբ:
Անհրաժեշտ մթերքները
Պանիր մոցարելա- 2 գունդ
Լոլիկ (ցանկալի է չափերով մոտ լինի մոցարելային)- 2-3 հատ
Կարդացեք նաև
Բազիլիկ (համարվում է, որ բազիլիկը ռեհանն է՝ կանաչ ռեհանը, բայց հավատացնում եմ, որ համային եւ հոտային լուրջ տարբերություններ ունեն)- մի քանի ճյուղ
Ձիթապտղի յուղ-2 ճաշի գդալ
Բալզամիկ քացախ-1 ճաշի գդալ
Պատրաստման եղանակը
Կլոր-կլոր կտրատել լոլիկն ու մոցարելան, դասավորել մեծ ափսեի մեջ իրար հետեւից՝ լոլիկ, պանիր, բազիլիկ հերթականությամբ Իտալիայի դրոշի գույներով: Վերջում վրան ցողել բալզամիկն ու ձիթապտղի յուղը:
Եթե ունեք ձիթապտղի պաշտետ, կարող եք մի մասը պաշտետով անել, դրանով էլ է շատ համեղ ստացվում:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
