Լրահոս
Օրվա լրահոսը

Ինտերպոլը դադարեցրել է հետախուզումը Գերման Ստերլիգովի նկատմամբ

Օգոստոս 23,2015 14:50

«Ինտերպոլը հետախուզում չի հայտարարում այն անձանց նկատմամբ, որոնք քաղաքական նպատակներով են հետապնդվում, քանի որ դա հակասում է կանոնադրությանը: Ինտերպոլի հանձնաժողովն Ադրբեջանի կողմից Ստերլիգովի նկատմամբ հետախուզումը հենց քաղաքական է համարել»,- «Русская служба новостей»-ի հետ զրույցում այս հայտարարությունն արել է Ստերլիգովի փաստաբան Արթուր Հայրապետովը:

Հիշեցնենք, որ հուլիս ամսվա վերջում Ադրբեջանի Գերման Ստերլիգովին Ինտերպոլի միջոցով միջազգային հետախուզում էր հայտարարել: Ադրբեջանի ԱԳՆ մամուլի խոսնակ Հիքմեթ Հաջիեւը հայտարարել էր, որ Ստերլիգովի նկատմամբ քրեական գործ է հարուցվել այն բանի համար, որ «նա հանցագործություններ է գործել Ադրբեջանի Հանրապետության ինքնիշխան տարածքում»:

Ստերլիգովի փաստաբանը նշել է, որ իր պաշտպանյալը 10-15 օր է գտնվել Ինտերպոլի հետախուզվողների ցուցակում, սակայն օգոստոսի 21-ից նրա նկատմամբ հայտարարված հետախուզումը դադարեցվել է: Հայրապետովի խոսքերով՝ մինչեւ օգոստոսի 29-ը Ստերլիգովը մնալու է Լեռնային Ղարաբաղում:

«Օգոստոսի 29-ին նա պատրաստվում է բավականին մեծ միջոցառում անցկացնել այնտեղ. ծրագրված է նաեւ նրա կնոջ՝ Ալյոնա Ստերլիգովայի, նորաձեւության տան ցուցադրությունը եւ վազք Ղարաբաղի ձիերով»,- հստակեցրել է փաստաբանը:

Պատրաստեց Աշոտ ԻՍՐԱԵԼՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2015
Երկ Երե Չոր Հնգ Ուրբ Շաբ Կիր
« Հուլ   Սեպ »
 12
3456789
10111213141516
17181920212223
24252627282930
31