ԱԺ Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամ Կարինե Աճեմյանն Aravot.am-ի հետ զրույցում մեկնաբանելով թիվ 27 դպրոցում կայացած տնօրենի ընտրությունը, որի արդյունքում ընտրվել է նախին տնօրեն Սուսաննա Սարգսյանը, որը դատապարտվել էր պետությանը խոշոր չափերի գույքային վնաս պատճառելու համար, ասաց. «Քանի որ կառավարման խորհուրդն ընտրել է տնօրենին, ես այս կապակցությամբ ոչինչ ասել չեմ կարող, որովհետեւ նախ համարում եմ, որ օրենքի պահանջը բավարարված է, այսինքն՝ մարդը օրենքով է ընտրվել, երկրորդ՝ ես մամուլից եմ տեղեկացել այդ մասին:
Հեռուստատեսությամբ էլ լսեցի տնօրենի խոսքը, որ դրանք եղել են ոչ թե խոշոր չափի չարաշահումներ, այլ անփութության պատճառով թերություններ:
Ի դեպ, օրենքը այդ ժամանակահատվածում թույլ է տալիս, որ իր թեկնածությունը դնի: Ավելին ասել չեմ կարող, քանի որ ծանոթ չեմ դպրոցում կատարվածի հետ»:
Գոհար ՀԱԿՈԲՅԱՆ
Այ, այ այ, տիկին Աճեմյան. ինչ օրինապահ եք: “Թղթերով ամեն ինչ կարգին է”: