Ոստիկանության Իջեւանի բաժնի նախկին պետ Անդրանիկ Ազիզբեկյանի ծնողը` Կոթի գյուղից ուսուցչուհի, զոհված ազատամարտիկի մայր Զեմֆիրա Հարությունյանն ասաց, որ պատրաստվում են բողոքարկել որդու դատավճիռը: Օգոստոսի 5-ին Իջեւանում Տավուշի մարզի առաջին ատյանի դատարանի դատավոր Ռաֆիկ Մելքոնյանը ոստիկանության Իջեւանի բաժնի նախկին պետ Անդրանիկ Ազիբեկյանին մեղավոր է ճանաչել ՀՀ քրեական օրենսգրքի 308 հոդվածի 2-րդ մասով եւ նրան դատապարտել 5 տարի ազատազրկման:
Դատարանը նույն հոդվածով մեղավոր է ճանաչել նաեւ Տավուշի քննչական բաժնի պետի նախկին տեղակալ Արտակ Ավետիսյանին եւ նրան դատապարտել 4 տարվա ազատազրկման: Դատարանը ՀՀ քրեական օրենսգրքի 258 հոդվածի 4-րդ մասով մեղավոր է ճանաչել Իջեւանի «Իջեւանատուն» ռեստորանահյուրանոցային համալիրի սեփականատեր Անդրանիկ Խոջումյանին եւ նրան դատապարտել 6 տարվա ազատազրկման:
Նշենք, որ Անդրանիկ Ազիբեկյանը նախաքննության եւ դատաքննության ընթացքում իրեն մեղավոր չի համարել:
Օգոստոսի 5-ին Բաղանիս գյուղում հարյուրավոր մարդիկ ի նշան բողոքի, մի քանի ժամ փակեցին Հայաստան-Վրաստան միջպետական ճանապարհը:
Կարդացեք նաև
Ոսկան ՍԱՐԳՍՅԱՆ
Ցավալի է. որ ՀՔԾ-ն և դատական համակարգն ինչ-որ անհատների պատվեր են կատարում ու Իջևանում երբևէ ամենաանշառ ոստիկանապետին նման անհեթեթ մեղադրանքով պատասխանատվության են ենթարկում: Այս գործի նախաքննության ու դատաքննության ողջ ընթացքն ապացուցեց, որ մեր երկրի իրավահամակարգը, մասնավորապես ՀՔԾ-ն և դատական համակարգը այլևս վարկաբեկվելու տեղ չունի: