Ի տարբերություն սահմանադրական բարեփոխումների գործընթացի սկզբնական փուլերի, երբ իշխող կուսակցության ներկայացուցիչներն ամեն կերպ փորձում էին համոզել, որ սահմանադրական բարեփոխումների անհրաժեշտության վերաբերյալ քաղաքական ուժերի շրջանում կա կոնսոլիդացիա, այժմ չեն էլ թաքցնում, որ այդ համախմբումը չկա:
«Առավոտի» դիտարկմանը, թե իրենք էլ արդեն չեն ժխտում, որ այս հարցում քաղաքական ուժերի շրջանակներում կոնսոլիդացիա չկա, օրինակ, ՀՀԿ խմբակցության պատգամավոր Արտակ Զաքարյանն արձագանքեց. «Այս պահի դրությամբ քաղաքական ուժերի շրջանում կոնսոլիդացիա չկա, քանի որ, օրինակ` ՀՅԴ-ն ասում է` թե այս բառը հանենք, սա դնենք, մյուսն ասում է մյուս բառը հանենք, այն դնենք: Բայց քննարկումների արդյունքում դեռ կհամոզվեն, մեզ էլ են համոզելու, մենք էլ ենք համոզելու»:
«Առավոտ» օրաթերթ
27.08..2015
