Լրահոս
Օրվա լրահոսը

Ռուսաստանում ջնջում են ոչ ստանդարտ մշակութային արժեքները

Օգոստոս 29,2015 13:00

«Ինտերֆաքսի» փոխանցմամբ, Սանկտ Պետերբուրգում վանդալները ոտնձգություն են կատարել 1900-ականների սկզբին կառուցված պատմական շենքերից մեկի վրա, ավելի կոնկրետ՝ վնասել են շենքի ճակատը զարդարող հայտնի Մեֆիստոֆելի քանդակը: Խոսքը վերաբերում է Ալեքսանդր Լիշնեւսկու հեղինակած «Սատանայի կամ Մեֆիստոֆելի տանը»: Քաղաքային իշխանությունները մտահոգ են կատարվածով, իսկ ոստիկանությունը փորձում է գտնել հանցագործին, որը, ականատեսների վկայությամբ, շինարարական գործիքներով ապամոնտաժելով մեկդարյա վաղեմություն ունեցող քանդակը, ջարդուփշուր է արել այն, ապա կտորները տեղափոխելով «Գազել» մակնիշի մեքենայի մեջ՝ արագ հեռացել:

Հուշարձանի հարեւանությամբ էլ եկեղեցի է կառուցվում, որի քահանան տարբեր առիթներով հայտարարել էր, թե Աստծո տան հարեւանությամբ Սատանայի քանդակ չպետք է լինի: Ավելի ուշ նա ասել է, որ իրենք կատարվածի հետ կապ չունեն:
Հավելենք, որ «Սատանայի կամ Մեֆիստոֆելի տունը» Սանկտ Պետերբուրգի մշակութային հուշարձանների պետական ցանկում է:

Ռուսական ԶԼՄ-ների փոխանցմամբ, Ռուսաստանում կարող է մշակութային վանդալիզմի շարժում սկսվել, մանավանդ՝ թանգարանների մոտից հեռացվել են մշակութային օջախները հսկող ոստիկանական միավորումները: Ավելի վաղ, ռուսական մշակութային օջախների մի խումբ ղեկավարներ համատեղ բաց նամակ էին հրապարակել, որտեղ պահանջում էին պատժել հատկապես «Աստծո կամք» նախաձեռնության ակտիվիստներին ու շարժման լիդեր Դմիտրի Էնտեոյին, որի գլխավորությամբ օգոստոսի կեսերին հարձակում էին գործել մի ցուցահանդեսի վրա ու հայտարարել, թե ներկայացված աշխատանքները վիրավորում են իրենց կրոնական զգացմունքները: Նրանք հասցրել էին վնասել նաեւ ավանգարդիստ քանդակագործ Վադիմ Սիդուրայի աշխատանքները:

«Առավոտ» օրաթերթ
28.08..2015

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2015
Երկ Երե Չոր Հնգ Ուրբ Շաբ Կիր
« Հուլ   Սեպ »
 12
3456789
10111213141516
17181920212223
24252627282930
31