Լրահոս
Օրվա լրահոսը

«Լայնածավալ աշխատանքներ են տարվում զբոսաշրջության զարգացման ուղղությամբ»

Օգոստոս 29,2015 22:15

ՀՀ էկոնոմիկայի նախարարության Զբոսաշրջության վարչության պետ Մեխակ Ապրեսյանը վստահեցնում է, որ զբոսաշրջությունը մեր երկրում գնալով զարգանում է:

Զբոսաշրջության վարչության պետը հավաստիացնում է, որ ամեն ինչ արվում է ոլորտը զարգացնելու, մրցունակ դարձնելու համար. «Դա նշանակում է ենթակառուցվածքների բարելավում, ծառայությունների որակական աճ, մարդկային ռեսուրսների զարգացում, երկրի հասանելիության բարձրացում, երկիրը միջազգային շուկայում ավելի ճանաչելի դարձնելու հնարավորություն, առավել արդյունավետ մարկետինգային քաղաքականության վարում»,- ասում է Մ. Ապրեսյանը՝ ընդգծելով, որ այս ուղղություններով լայնածավալ աշխատանքներ են տարվում:

Նրա փոխանցմամբ՝ 2014 թվականին 1 միլիոն 200 հազար զբոսաշրջային այցելություն է գրանցվել մեր երկրում: Սա 11.3%-ով գերազանցում է 2013-ի ցուցանիշը: Ինչ վերաբերում է այս տարվան, առայժմ միայն երկրորդ եռամսյակի տվյալն է հայտնի. «Ունեցել ենք ավելի քան 256 հազար զբոսաշրջիկ, որը 1.8%-ով ավելին է, քան նախորդ տարվա երկրորդ եռամսյակի ցուցանիշը»,- տեղեկացնում է Մ. Ապրեսյանը:

Սիրանուշ ՀԱՅՐԱՊԵՏՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2015
Երկ Երե Չոր Հնգ Ուրբ Շաբ Կիր
« Հուլ   Սեպ »
 12
3456789
10111213141516
17181920212223
24252627282930
31