Սահմանադրական դատարանի անդամ Կիմ Բալայանը կարծում է, որ սահմանադրական բարեփոխումների հանձնաժողովը սխալ է վարվել: «Հայացք» մամուլի ակումբում լրագրողների հետ հանդիպմանը պարոն Բալայանն ասաց. «Հանձնաժողովում անհատապես բոլորին ճանաչում եմ, բայց ինչպե՞ս է ստացվել նման դեպք, որ բարեփոխման մասին խոսք չկար ՀՀ նախագահի հրամանագրում, այլ կար ընդամենը մեկ սկզբունքային խնդիր, այն է` ներկայացնել բարեփոխումների նախագիծ, բայց ստացվում է` նախագահի հրամանագիրը չի կատարվել, քանի որ ոչ թե բարեփոխումների նախագիծ է ներկայացվել, այլ սահմանադրության նոր տեքստ»: Հարցին՝ հետևաբար հանձնաժողովը սխա՞լ է գործել, պարոն Բալայանն ասաց. «Իրավական տեսակետից ես ասացի, որ սա սահմանադրական բարեփոխումների նախագիծ չէ, այլ նոր Սահմանադրության նախագիծ, հետևությունները թողնում եմ ձեզ»:
Տաթև ՀԱՐՈՒԹՅՈՒՆՅԱՆ
