Լրահոս
Օրվա լրահոսը

Դիլիջանի կոմպոզիտորների ստեղծագործական տանն անցկացվեց «Մշակութային վերածնունդ» համահայկական փառատոնը

Օգոստոս 31,2015 15:58

Օգոստոսի 29-ին Դիլիջանի կոմպոզիտորների ստեղծագործական տանն անցկացվեց «Մշակութային վերածնունդ» համահայկական փառատոնը: Արդեն ավանդական դարձող այս փառատոնը առանձնակի էր իր ընդգրկվածությամբ. մասնակցում էին ՀՀ բոլոր մարզերը, Արցախն ու Սփյուռքը: Փառատոնին ներկայացված էին հայկական գորգագործության, դեկորատիվ-կիրառական արվեստի ստեղծագործություններ, կազմակերպվել էր նաև ցուցահանդես-վաճառք, որը նպաստեց շահագրգիռ կողմերի փոխշփումներին ու փորձի փոխանակմանը: Փառատոնը բացառիկ էր ոչ միայն ձեռագործ աշխատանքների ցուցադրությամբ, վարպետության դասերով, բազմաբովանդակ տաղավարներով, այլ նաև ազգային նվագարանների, երգարվեստի, պարարվեստի, անհատ կատարողների և ճանաչված համույթների մասնակցությամբ ուղեկցվող համերգային ծրագրով:

1

Միջոցառմանն առանձնակի ձև ու բովանդակություն հաղորդեց դեֆիլեն՝ ազգային տարազների նոր ու ժամանակակից լուծումներով հանդերձանքների, արդուզարդի ցուցադրությունը: Տավուշի մարզը հաղթող ճանաչվեց «Ազգային ավանդույթները լավագույնս պահպանելու համար» և «Դեկորատիվ-կիրառական արվեստը լավագույնս ներկայացնելու համար» անվանակարգերում:

Տավուշի մարզպետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2015
Երկ Երե Չոր Հնգ Ուրբ Շաբ Կիր
« Հուլ   Սեպ »
 12
3456789
10111213141516
17181920212223
24252627282930
31